Cerca de 100.000 euros pa la torna de productos audiovisuales al castellanu en Madrid. Ési ye’l gastu que fai la TPA nesti campu según la XDLA, que demanda la inversión d’eses perres a la creación d’una industria de doblaxe n’Asturies.
La cantante Silvia Quesada da un pasu más na so carrera cola espublización del so primer discu en solitariu. Ésti lleva’l nome de ‘La pena abierta’ y inclúi diez cantares de temática sentimental que baillen ente la música pop y la d’autor.
L’avance del estudiu ‘Valir cultural y educativu de la escolarización de la Llingua Asturiana’ llamó l’atención a los usuarios d’Asturies.com. Un 66 por cientu amosó en ‘Conceyu Abiertu’ la so sorpresa polos datos positivos del mesmu.
El salón d’aconceyamientos del Depósitu Vieyu d’Agua de Noreña acoyó’l vienres la presentación del númberu 9 de ‘N’Ast. Cartafueyos d’Ensayu’. Nesta edición recuéyense cuatro artículos interesantes que traten temes diversos.
Esti martes colgóse na rede’l primer programa de ‘Alderiques d’Asturies’, iniciativa audiovisual nueva presentada por Samuel Gradín. Asturies.com participó como convidáu nesti primer debate, que llevó’l nome de ‘L’asturianu na rede anguaño’.
La espublización que resume l’añu musical n’Asturies, l’Anuariu de la Música Asturiana, cumple quince númberos na cai tres la llegada a los puntos de venta de la edición del 2013. El volume inclúi un CD con 19 cantares de dellos estilos.
Conceyu Abiertu refugó nel so Conceyu Nacional dir en solitariu a les Europees del 25 de mayu. El so coordinador nacional, Mariu Arbesú, señala que la plataforma d’eleutores entiende que "lo importante ye dar pasos de forma xunitaria”.
La emisión en llingua asturiana de ‘El rostru impenetrable (One-eyed Jacks)’ contó con una cuota de pantalla del 5,1 por cientu, según informa la XDLA. El primer llargumetraxe dobláu al asturianu de la TPA superó la media de la canal.
Softastur ta acabante d'algamar el vistu bonu pa modificar el códigu abiertu d'Android, sistema operativu basáu en Linux utilizáu en móviles y tabletes, y incorporar l’asturianu. Yera’l pasu definitu pa rematar un trabayu entamáu hai más d’un añu.
La Coordinadora Ecoloxista d’Asturies decicidó entregar la XXI Bullada Purpurina a Asturiana de Zinc (AZSA). La intoxicación con mercuriu de decenes de trabayadores y la contaminación que produz fáenla merecedora d’esti antipremiu.
