Les XXXIII Xornaes Internacionales d’Estudiu abriéronse n’Uviéu cola presentación de la web nueva de l’ALLA, del númberu 111 de ‘Lletres Asturianes’ y del 4 de ‘Ciencies’. Esta iniciativa ye "una referencia indispensable pa tolos estudiosos de la llingua y la cultura asturiana”, afirmó María Paz Suárez Rendueles, vicerrectora d’Investigación y Campus d’Escelencia Internacional de la Universidá d'Uviéu.

Esti sábadu los emigrantes asturianos de Xinebra tienen una doble celebración. El centru asturianu d’esta población suiza acueye los actos del Día de les Lletres Asturianes nel Esterior, xornada que los sos responsables aprovechen pa entamar el Día d’Asturies.

Asturies celebra la nueche d’esti vienres, 31 d’ochobre, l'añu nuevu celta o Samhain. Pese a la cada vegada mayor presencia de la folixa norteamericana de Halloweeen –que naz del propiu Samhain– por mor de los productos de ficción estauxunidenses, les referencies a la celebración tradicional garren puxu nel país.

‘Harry el Suciu’ va ser la próxima película doblada al asturianu que va emitir la TPA tres l’ésitu d’audiencia de ‘El rostru impenetrable (One-eyed Jacks)’. Gonzali Producciones va entamar un casting de voces pa esti clásicu del cine protagonizáu por Clint Eastwood el llunes y el martes.

La Universidá d’Uviéu, al traviés del Seminariu de Filoloxía Asturiana, y el Real Instituto de Estudios Asturianos (RIDEA) entamaron esta selmana unes xornaes d’homenaxe al llingüista Manuel Menéndez García. “La obra ‘El Cuarto de los Valles’ marcó l’estilu de los estudios monográficos de les fales asturianes nos años 60 y 70”, apunta Ramón D’Andrés.

El salón d’actos de la Facultá de Filosofía y Lletres de la Universidá d’Uviéu va acoyer les XXXIII Xornaes Intenacionales d’Estudiu de l’Academia de la Llingua Asturiana (ALLA) del 4 al 6 de payares. La institución académica va aprovechar l’eventu pa presentar una web nueva.

L’auxiliar d’enfermería madrilana Teresa Romero, primer persona en contaxase d’ébola fuera d’África, superó la enfermedá la selmana pasada. Esti casu provocó preocupación al 57 por cientu de los llectores d’Asturies.

Les alegaciones del Ministeriu de Facienda al informe de la OLAF sobre les obres d’ampliación d'El Musel nun convencieron a la Comisión Europea. L’organismu comunitariu reclama la devolución de los 198 millones d’euros yá entregaos al Estáu y reprocha la so falta d'aición tres conocer el documentu.

Iniciativa pol Asturianu propunxo en 2013 a los grupos políticos con representación asturiana nel Congresu la presentación d'una enmienda a los Presupuestos Xenerales pa que l'Academia de la Llingua Asturiana cuntara con una partida, como tienen la española, catalana, vasca y gallega. La propuesta cuntó colos votos favorables de tolos grupos, menos PP y UPyD, y por ello nun pudo aprobase. 

Según Iniciativa pol Asturianu, delles families con fíos matriculaos nel colexu públicu Clarín de Xixón denuncien que los sos fíos nun tienen accesu a l'asignatura de Llingua Asturiana nes condiciones de dignidá y calidá mínimamente esixibles.