El contaxu d’ébola en Madrid esmoleció al 57 por cientu de los llectores d’Asturies.com

|

L’auxiliar d’enfermería madrilana Teresa Romero, primer persona en contaxase d’ébola fuera d’África, superó la enfermedá la selmana pasada. Esti casu provocó preocupación al 57 por cientu de los llectores d’Asturies.

Pese a que todavía nun recibió l’alta hospitalaria, los análisis amuesen que Romero yá nun tien el virus nel so cuerpo y que yá nun hai peligru de contaxu nin de brote de la enfermedá. Sicasí, cuando se conoció que la persona que trató al segundu misioneru treslladáu a Madrid tenía l’ébola saltaron toles alarmes, dexando nidio que’l protocolu que s’utilizó dende’l Ministeriu de Sanidá, Servicios Socialies y Igualdá nun foi’l correutu. Por ello, un 57 por cientu de los usuarios que participaron nel nuesu ‘Conceyu Abiertu’ amosaron el so esmolecimientu pola situación, mentes qu’un 30 por cientu señaló nun tar precupáu y un 14 por cientu aseguró nun tener una opinión fundada sobre l’asuntu.

Dende esti momentu yá ye posible participar nun ‘Conceyu Abiertu’ nuevu. Nesta ocasión queremos conocer si los nuesos usuarios consideren importante’l caltenimientu de l’autopista del mar ente Xixón y Naunnt - Saint-Nazère que la naviera LD Lines dexó de trabayar el 16 de setiembre tres finar la subvención que permitió l’apertura de la llinia hai cuatro años. Empresarios, sindicatos y usuarios demanden la recuperación de la mesma, dalgo qu’estudien los Gobiernos estatales d’España y Francia.

Contador Estadistiques