Va celebrase los sábados de mayu y xunu na Casa la Cultura de La Pola Llaviana.
La productora A Mansalva ye la responsable del entamu del Concursu de Canción Asturiana Cuenca del Nalón, na que collabora'l Conceyu de Llaviana y l'Asociación Cultural Trazaraíces, que vive la so segunda edición. El certame divídese en dos modalidaes, tonada asturiana femenina y masculina, con un máximu de 25 places en caúna, respetándose l'orde d'inscripción por si dalguna de les dos quedara ensin llegar al tope y se pudiera ampliar la otra.
La xente interesao ha d'unviar la ficha d'inscripción enantes del vienres, a les 12.30 hores, al corréu electrónicu info@grupoamansalva.com o dar los sos datos al traviés del teléfonu 654.488.544. Les semifinales van celebrase en mayu, siendo les fases finales los díes 3, 10 y 17 de xunu, y la entrega de premios y la gala de campeones el 24, siempre a les 19.30 hores na Casa la Cultura de La Pola y con entrada a 2 euros, que se pueden mercar nel CIDAN.
Fernando Valle Roso va encargase de la presentación de toles sesiones del concursu, que va tener a Pablo Carrera como gaiteru oficial. Mentes, el xuráu va tar compuestu Avelino Fernández Corte y Nori Redondo.
Castañón y Velasco, ganadores nel 2016
Los premios van ser los mesmos que l'añu pasáu: 500 euros pal ganador de cada modalidá, y de 350, 200, 100, 50 y 30 euros pa los siguientes clasificaos. Naquella ocasión los vencedores foron Liliana Castañón y Carlos Velasco.
Adxuntu | Tamañu |
---|---|
![]() | 885.77 KB |