Íñigo Errejón, Gaspar Llamazares, Quim Monzó, Alberto Garzón, el Sporting y l'Uviéu son dalgunes de les persones y entidaes qu'aprovechen el Día de les Lletres Asturianes pa felicitar la xornada a los asturianos. Tamién munchos d'ellos pa reclamar la oficialidá del idioma.

A les 10.30 hores d'esti vienres, Día de les Lletres Asturianes, Somos Avilés encolingó una pancarta na fachada de la Casa Conceyu de la villa reclamando la oficialidá. Alcaldía ordenó retirala y, al nun contar con permisu, los conceyales zarraos nel despachu del grupu municipal decidieron retirala sobre'l meudía una vegada algamáu l'oxetivu.

Munches actividaes en pocu tiempu. Asina definió esti xueves Fernando Padilla la Selmana de les Lletres Asturianes na inauguración de la IV Feria del Llibru y el Discu n'Asturianu que se celebra n'Avilés hasta'l domingu. "Habría d'esparder los actos de la Selmana de les Lletres a lo llargo del añu pa tener más presencia", aseguró.

La tienda asturiana na rede entama una dómina nueva con discos y llibros n'asturianu, tanto nuevos como semiusaos.

Con más d'un centenar de referencies nel so catálogu, que se va dir ampliando de manera progresiva, Asturshop reabre les sos puertes cola fin d'esparder la cultura asturiana per Asturies y per tol mundu. Asina ye posible adquirir discos de tolos estilos musicales y llibros indispensables, cola novedá del accesu a exemplares semiusaos a un preciu mui económicu.

Na Casa Cultura con motivu de la XXXVII Selmana de les Lletres Asturianes.

El Serviciu de Normalización Llingüistica de la 'Comarca de la Sidra', en collaboración col Conceyu de Nava, celebra la XXXVII Selmana de les Lletres Asturianes con un recital poéticu na sala Marta Portal de la Casa la Cultura de Nava. Nél van participar la escritora llocal Ana Martínez Sierra, el poeta bualés Miguel Rodríguez Monteavaro y el premiáu autor entreguín Pablo Rodríguez Medina.

La cita ye esta tarde, a les 19 hores, con entrada llibre.

Tres un primer añu de conciertos n'Asturies de bandes asturianes y vasques, la iniciativa Glayíos/Oihuak pasa a afitase n'Euskal Herria. Esti sábadu La Tarrancha y Sombra viaxen a Gasteiz pa participar nel primer festival del ciclu d'intercambiu musical, que va completase con actividaes a lo llargo de tola xornada.

Más de mediu centenar de cargos d'al menos 25 conceyos confirmaron hasta'l momentu la so participación na iniciativa 'Conceyos pola Oficialidá' qu'entama l'Ayuntamientu de Bimenes y la XDLA, que va tener la so primer aición na manifestación del vienres. La organización cívica recibió esti miércoles 1.300 euros de Somos Avilés.

Coincidiendo cola Selmana de les Lletres Asturianes, Iniciativa pol Asturianu demanda al Conceyu de Xixón una modificación de les bases del 'Premio de Novela Cafe Gijón' pa que permita la participación de trabayos en llingua asturiana. "Daría un importante prestixu a les obres lliteraries n'asturianu", afirma.

La banda de rock en gallego-asturiano va encargase de zarrar l'eventu del Campoamor.

Tamién el caltenimientu de los resultaos de les primaries del 20-A de cara al 26-X.

Del 29 d'abril hasta ayeri pudieron votar los afiliaos d'EQUO éstes y otres cuestiones de cara a la convocatoria nueva d'eleiciones pal 26 de xunu, que nun taben confirmaes entovía pero que yeren yá casi un fechu. Asina, a la entruga sobre si deben celebrase primaries nueves pa esta convocatoria, el 81 por cientu apostó por dar por bonu'l resultado de les que se fixeron pal 20-A, por un 16 por cientu que quería otres nueves. Mentes, un 3 por cientu astúvose.