L’ex presidente d’Asturies, Vicente Álvarez Areces, ye’l voceru nuevu del PSOE nel Senáu en sustitución d’Óscar López, según anunció esti llunes el voceru de la xestora dirixida por Javier Fernández, Mario Jiménez. Tamién hai cambiu nel Parllamentu Européu.

Participen Sofía Castañón, Concha Masa y Lennart Koch, cola moderación de Mar García.

El francés Jean-Pierre Sauvage, l'escocés James Fraser Stoddart y l'holandés Bernard Lucas Feringa comparten el premiu que falla la Kungliga Vetenskapsakademien.

La Conseyería d’Educación y Cultura amplía esti cursu la ufierta d’enseñu de chinu y d’inglés nes escueles oficiales d’idiomes. Nel casu de la llingua con mayor númberu de falantes del planeta incorpórase a los programes de los centros de Mieres y Llangréu.

El Memorial Hugo y Puru axunta esti sábadu na villa a cinco formaciones, una d'elles irlandesa, y inclúi un conciertu.

El Grupu de Baille El Corveru va abrir el V Festival de Bandes de Gaites Villa de Ribeseya a les 12.30 hores con un taller de baille na Plaza Nueva. Nella, los participantes van poder deprender les dances d'Alea y Sardaya, y la Xiraldiya de Meluerda, nuna actividá de baldre.

Tres zarrar el plazu de presentación de candidatures el llunes, l’Asociación Cultural L’Arribada anunció a los nominaos pa les trés categoríes de los Premios Timón 2017. A lo llargu d’esti mes, un xuráu va escoyer la terna definitiva d’aspirantes a los gallardones.

Una verbena, un festival de bandes de gaites, una nueche folk y un mercáu tradicional, dalgunes de les actividaes previstes.

La Banda Gaites El Gumial y el Grupo Folklore Allerán entamen el II Alcuentru Folclóricu n'Ayer ente güei y el domingu. L'actividá va comenzar a les 19 hores con un conciertu de los escolinos de les dos formaciones, pa siguir a la medianueche con una verbena col grupu K-Libre y una discoteca móvil.

La fonte tipográfica Noto de Google yá ye llibre. Los usuarios pueden descargar de baldre esti tipu de lletra que permite evitar los ‘tofu’ y ver la grafía de cientos de llingües, ente elles l'asturiana.

La ruta va celebrase esti sábadu con salida en Serín y final en L'Abadía Cenero.

L'actividá, entitulada 'Ruta del románicu y patrimoniu xixonés', ye llibre pa tola ciudadanía y nun fai falta apuntase de manera previa. La convocatoria ye pa les 10 hores na estación de tren, onde va garrase un tren a Serín, llugar de comienzu de la visita entamada pola Tertulia Cultural El Garrapiellu.

María Jesús Álvarez, conseyera de Desarrollu Rural y Recursos Autóctonos, anunció na Xunta Xeneral que nos díes próximos va convocar una llinia d’ayudes pa prevenir daños del osu y el llobu. La cantidá total de la subvención va ser de 109.250 euros.