El venres nel Espacio Cultural El Liceo col investigador Xosé Miguel Suárez Fernández 'Tapia' y el grupo Tuenda.

Trátase da conferencia titulada 'Agrupacióis y músicos populares nel Navia-Eo' ofrecida por Tapia a partir das 19.30 horas. Llueu, a las 20.30 horas, el trío de música tradicional asturiana Tuenda va dar un concerto.

Cúmplense diez años d’emisiones na RTPA, como recuerda la mosca nueva de la canal, y la presencia del asturianu nun algama’l 5 por cientu de la programación, con una una visión “ente etnográfica y costumista” del idioma. Por ello, l’ALLA esixe nun comunicáu “pasos urxentes nel emplegu del asturianu con un enclín nidiamente comunicativu”.

Iniciativa pol Asturianu entregaba díes atrás nel Rexistru una carta y un llibru esplicativu sobre’l procesu d’ellaboración del ‘Protocolu pa la Garantía de los Drechos Llingüísticos’. El direutor xeneral de Planificación Llingüística y Normalización convocó un conceyu pa interesase pol documentu que va presentase n'avientu en Donostia.

Sidoro Villa Costales, autor de dellos llibros infantiles y xuveniles d’ésitu, debuta cola lliteratura p’adultos con ‘A estaya’, novela editada por Impronta y ambientada nun chigre de la cuenca del Nalón nos años 70. L’autor va presentala esti xueves na sala de cámara del Auditoriu de La Pola Siero.

El programa d’educación ambiental de COXERSA, Rede d’Escueles pol Reciclaxe, comenzó'l martes baxo’l lema de ‘Escueles residuu ceru’. Les novedaes principales d'esti cursu, nel que participen más de 200 centros, son un concursu de rellatos curtios, talleres de lliteratura y un contador de residuos pa cada colexu.

"Ye difícil que los investigadores se sumen al plan si ésti nun-yos garantiza un futuru n'Asturies más allá de los dos años que prevé la convocatoria", diz la diputada Lorena Gil.

Nengún espubliza de manera correuta la información que demanda la norma.

Trés persones con domiciliu en Cantabria foron denunciaos por furtivismu tres ser sorprendíos con 66,5 quilos de percebe en Nuviana. Esti actu delictivu coincide cola apertura de la campaña de marisquéu n'Asturies.

El Grupu Folclóricu Prau Llerón de Mieres entama la tercer edición del Ochobre Folk, que dio oficialmente aniciu esti llunes cola inauguración de la muestra ‘¡Menuda Asturias!’. La espicha y la Nueche en Danza del sábadu ye l’actividá principal d’esti festival de baille y música tradicional.

Fracasa la iniciativa del Gobiernu a la que tenía previsto destinar 622.500 euros.

Los talentos científicos que se vieron obligaos a colar del país pa desendolcar el so llabor profesional d'una manera digna nun tornen a casa. Y nun ye por falta de ganes. El Plan de Retornu del Talentu que punxo en marcha'l Gobiernu en xunetu y que formaba parte del alcuerdu del PSOE con Izquierda Xunida pa la investidura de Javier Fernández nun recibió nenguna solicitú, previsiblemente porque sólo aseguraba dos años de contratu n'Asturies.