Día del Llibru Asturianu

Los trataos de llibre comerciu protagonicen una charra informativa en La Felguera

|

Participen Sofía Castañón, Concha Masa y Lennart Koch, cola moderación de Mar García.

El TTIP, con Estaos Xuníos; el CEPA, con Canadá; y el TISA, l'Alcuerdu sobre'l Comerciu de Servicios negociáu tamién en secretu por mediu mediu centenar d'estaos, son trés trataos de comerciu internacionales en boca d'un sector ampliu de la sociedá, nos que participa la Xunión Europea, pero entovía desconocíos. Esta selmana ta en marcha una campaña de concienciación sobre ellos en más de venti ciudaes de tol Estáu, na que La Felguera participa con una charra informativa entamada por Podemos Asturies polo Público.

Ésta va tener llugar esta tarde, de magar les 19.30 hores, na Casa la Cultura cola participación del profesor de Filoloxía Alemana de la Univesidá d'Uviéu y miembru de la Plataforma Asturies No a los Tratados de Libre Comercio, Koch, amás de les diputaes nel Congresu por Podemos, Castañón, y por Izquierda Xunida na Xunta Xeneral, Masa. García, del Conseyu Ciudadanu de Podemos Asturies, va encargase de moderar l'eventu.

Contador Estadistiques