Somos Avilés treslladó un ruegu al gobiernu municipal del PSOE pal emplegu de la llingua asturiana en tola cartelería y avanzar asina nel procesu de normalización. La conceyala de Promoción Social y Cultura, Yolanda Alonso, afirmó que n’abril o mayu va llevar por fin a Plenu l'aprobación definitiva de les ordenances d’usu del asturianu.

Natalio Grueso, ex direutor del Centru Niemeyer, afronta un pidimientu de 11 años de cárcel por parte de la Fiscalía por irregularidaes na xestión del espaciu avilesín. Tamién solicita penes de prisión pa otros cuatro acusaos del ‘Casu Niemeyer’.

La organización asturiana va repetir visita al País Lleonés la selmana qu'entra.

Dientro d'una 'Xornada Asturllionesa', coincicidendo cola cercanía del Día Internacional de la Llingua Materna (21 de febreru, martes), Darréu va proyeutar un documental y va entamar una charra alrodiu la situación llingüística del lleonés, pa lo que convidó a la organización moza lleonesista Ruchar. Va ser mañana, de magar les 19 hores, nel uviedín Espaciu La Llegra.

Esta decisión de la Xunión Europea (XE) va aforrar trestornos a los ganaderos asturianos.

El Diariu Oficial de la XE espublizó recién esta declaración que supón qu’Asturies cumple colos requisitos establecíos na normativa vixente. Esto significa que nun se rexistró nengún albuertu o aislamientu pola enfermedá a lo llargo de polo menos trés años, y implica tamién que polo menos el 99,8 por cientu de los rebaños foi quien a sacar l’estatutu oficial d’indemnes de brucelosis cinco años siguíos, amás de cuntar con un sistema d’identificación y rexistru.

El Gobiernu respuende qu'incrementó un 25 por cientu les partíes destinaes a actividaes a les comunidaes asturianes nel esterior.

El llocal de l'Asociación Músico-Cultural Pepe Bocanegra va acoyer el sábadu’l primer conciertu del ‘Tour 87-17’, xira cola que Dixebra celebra'l so 30 aniversariu. La banda avilesina pretender conmemorar en Valles aquelles actuaciones en sales d'aforu reducíu de los sos anicios.

Tamién abren el plazu pa presentar candidatures a los premios a la Solidaridá y la Tradición qu'entreguen dende'l 2007.

El Concursu de Monólogos 'Pepe Campo' d'Humanitarios de Samartín algama la so decimocuarta edición. La sociedá con sede en Morea ta acabante d'abrir el plazu de presentación de trabayos, qu'han de tratar d'una tema d'actualidá social, política o cultural. Ésti fina'l 18 d'abril.

La rede ‘Asturcón’ de fibra óptica sigue estendiéndose pel país pa facilitar l’accesu a Internet de los asturianos. 2.040 viviendes de 16 poblaciones onde yá había instalación, amás dos polígonos industriales, son los beneficiarios d’esta ampliación.

‘Educallingua Informa’, el Boletín Informativu de les Enseñances de Llingua Asturiana y Gallego-asturiano, va trayer tolos meses les novedaes nel ámbitu educativu en materia llingüística. El númberu 1 presenta conteníos diversos y una entrevista a Xulio Arbesú.

La escritora xixonesa repite nos Alcuentros col Llector de la 'Comarca de la Sidra' tres participar nos de Bimenes n'ochobre.

Naquella ocasión Marta Mori tamién tuvo la oportunidá d'aldericar colos participantes de los Talleres de Llectura n'Asturianu qu'entama'l Serviciu de Normalización Llingüística de la 'Comarca de la Sidra' nos conceyos onde opera. Al igual que n'ochobre la también investigadora y profesora va falar sobre 'Histories familiares', volume de rellatos asoleyáu por Publicaciones Ámbitu nel 2009.