El Plenu del xueves del Conceyu d’Avilés va aldericar un ruegu de Somos Avilés p’avanzar hacia la normalización del idioma. L’agrupación d’eleutores solicita al gobiernu municipal qu’en tolos elementos de comunicación s’use la llingua asturiana.
El númberu de persones que caleyaron el Camín de Santiago peles rutes asturianes medró un 7,8 por cientu nel 2016 en comparanza col añu anterior. 29.410 pelegrinos percorrieron Asturies pel itinerariu de la mariña, el favoritu de los caminantes, o’l Primitivu.
Habrá namái cuatro asturianos nel Conseyu Ciudadanu nuevu de Podemos tres la salida de Segundo González García, Laura Casielles y Xuacu Rodríguez Morón.
El Gobiernu declaró la presencia de la poliya guatemaliana de la pataca en siete conceyos del país: Santiso d'Abres, A Veiga, Castropol, Taramundi, Navia, Valdés y Cuideiru. Mentes, otros cuatro son zones de vixilancia especial d’esta plaga.
'Páxaros de la to rodiada', con dibuxos d'Isabel González Díaz, va ta abierta al públicu na Casa del Llobu de Balmonte hasta'l 16 d'abril los sábados y los domingos.
Héctor García Gil ye’l responsable de la decimocuarta propuesta de TermAst. Ésta ta dedicada a los ‘Términos de Sociollinguística’, con cerca de 600 entraes accesibles tanto pa téunicos sociollingüísticos como pal públicu xeneral interesao nel tema.
El conseyeru d’Educación y Cultura, Genaro Alonso, anunció na Xunta Xeneral la creación del Premiu de Teatru Profesional n’Asturianu. La Direición Xeneral de Planificación Llingüística y Normalización ta trabayando na so convocatoria próxima.
Presenten el so discu 'The Tambourine Man', con cantares recuperaos tres años d'investigación. Esta actuación abre'l ciclu de conciertos 'Esencies Ibériques'.
