Uviéu y Xixón acueyen los actos n'Asturies d'una iniciativa solidaria que se celebra en delles ciudaes de tol continente.

“Nun ye llegal”, señaló Mercedes Fernández énte’l comité executivu del Partido Popular (PP) asturianu al referise al Plan Pilotu esperimental de Promoción del Usu del Asturianu que va ponese en marcha’l cursu viniente en seis centros de Primaria. La presidenta del partíu confirmó que va recurrilu nos tribunales.

35 socios ye’l númberu mínimu que necesita’l Llar La Llegra pa poder siguir col so llocal abiertu y, asina, cola so actividá. Por ello entama la campaña ’35 socios, 35 díes’, na que piden el sofitu de la ciudadanía con aportes flexibles que van dende los 5 euros.

La celebración del pueblu uvieín llega a la so decimosétima edición.

Xosé Antón Fernández ‘Ambás’, cantante de Tuenda, va encargase de lleer el pregón de les fiestes de Fitoria mañana a les 22.30 hores, pa depués dar pasu a un conciertu del so grupu, que tocara per última vegada nesta parroquia uviedina hai dos años. Darréu, van xubir al escenariu Salón Bombé, que repite depués de l’actuación na edición pasada.

El 53 por cientu sofita la oficialidá según l'avance de la III Encuesta Sociollingüística d’Asturies.

Asturies vive una selmana cargada d'eventos festivos como la folixa pixueta, los Exconxuraos, San Pedro en Castiello o la Fiesta de la Oficialidá de Bimenes.

Mañana, coincidiendo cola festividá de San Pedro y San Pablo, Cuideiru vive L'Amuravela. L'actu más importante ye la llectura del sermón –llaicu–, recitáu en versu y en pixuetu por una mesma persona del llugar –dende'l 1995 encárgase Cesáreo Marqués–, nel que se resumen los acontecimientos más importantes vivíos nel pueblu mientres l'añu. Ésti va tener el so aniciu a les 13.15 hores.

Obra ganadora del XXII Premiu Máximo Fuertes Acevedo d'ensayu.

Esti llunes votáronse nel Senáu los Presupuestos Xenerales del Estáu y los grupos que los sofitaron nel Congresu refugaron toles enmiendes pa evitar tener que llevalos otra vegada al Congresu y asina poder aprobalos de manera definitiva. Les trés enmiendes que pidíen perres pa l'ALLA, poro, valtáronse.

El sábadu, coincidiendo cola XXI Fiesta de la Oficialidá, Bimenes va aprobar la so ordenanza d’asturianu nun Plenu estraordinariu. Hai un añu’l conceyu yerbatu declaraba la oficialidá per segunda vegada tres la del 1997 –torgada pol TSXA tiempu depués; sentencia ratificada pol Tribunal Supremu–, que ye orixe d’esta folixa.

Les fiestes de prau tán en retrocesu. Asina opina’l 60 por cientu de los usuarios d’Asturies.com que participaron nel nuesu ‘Conceyu Abiertu’, que ve una perda progresiva de les mesmes por cuenta del botellón, los horarios o les denuncies de la SGAE, ente otros.