El 13 de mayu del 1980 la Diputación entamó’l primer Día de les Lletres Asturianes, que debería celebrar esti vienres la so cuarentena primer edición. Tres la so disolución pa la creación de la Xunta Xeneral, l’Academia de la Llingua Asturiana garró nel 1983 la organización d’una xornada “de reivindicación llingüística y cultural”, recuerda Xosé Lluis García Arias, primer presidente de la institución.

A les 19 hores convoca la Xunta pola Defensa de la Llingua Asturiana (XDLA) a participar nuna manifestación pola oficialidá del asturianu y el gallego-asturiano por cuenta del Día de les Lletres Asturianes. Énte la imposibilidá de facelo de manera física, les redes sociales van ser el llugar d’alcuentru y reivindicación.