La XDLA convoca pal Día de les Lletres Asturianes

La reivindicación de la oficialidá nun apara.

El vienres 8 de mayu celébrase'l XLI Día de les Lletres Asturianes, cita que de manera oficial s'aplazó esti añu a la seronda por cuenta de la crisis sanitaria provocada pola pandemia de COVID-19. Sicasí, la Xunta pola Defensa de la Llingua Asturiana (XDLA), que tolos años axunta a miles de persones nuna manifestación de reivindicación de la oficialidá del asturianu y el gallego-asturiano enantes del actu de l'Academia de la Llingua Asturiana, convoca pa esta xornada.

Va ser de forma diferente, de manera virtual, y media hora enantes de lo habitual, a les 19 hores. "Nengún andanciu nin estáu d'alarma aplaza los derechos ciudadanos, asina que díi apuntando la cita", avanza'l coleutivu cívicu.