El toque de queda de 1 a 6 hores y límites a los axuntamientos, amás de la revisión del entamu d’eventos, son les restricciones previstes pola Conseyería de Salú pa los conceyos qu’entren en nivel d’alerta 4+, qu’han tener el preste del TSXA. De siguir la tendencia actual estes midíes podríen llegar a dellos llugares en poco más d’una selmana.

La Universidá d’Uviéu punxo esti cursu per primer vegada’l títulu propiu de ‘Especialista Universitario en Asturias. Espacio, Historia, Patrimonio, Cultura’, con 14 matriculaos. A lo menos 3 d’ellos vieron como recibieron un suspensu por presentar n’asturianu un trabayu.

El llunes algamó los 674,73 casos cada 100.000 habitantes nos 14 díes últimos. Esti martes rexistráronse 442 casos nuevos de COVID-19.

El presidente de l’Academia de la Llingua Asturiana (ALLA), Xosé Antón González Riaño, y Xosé Lluis García Arias y Ana María Cano van celebrar una entrevista a cuatro col rector de la Universidá d’Uviéu centráu nel Diccionariu Etimolóxicu de la Llingua Asturiana, proyeutu nel que collaboraron entrambes organizaciones. Va ser nel marcu d'una visita institucional d'Ignacio Villaverde al llar social de l'ALLA.

L'actividá busca averar la música y la poesía portuguesa al públicu asturianu.

Esti llunes rexistráronse 470 casos nuevos de COVID-19, xornada na que nun hebo muertes.

L'incrementu de la presión asistencial lleva al Serviciu de Salú del Principáu d'Asturies a habilitar l'Hospital del Oriente Francisco Grande Covián, en Les Arriondes, p'acoyer a pacientes cola enfermedá causada pol coronavirus SARS-CoV-2 o con sospecha de tenela, sumándose asina a les yá disponibles nel HUCA, Cabueñes y Avilés. A partir de mañana va facese lo propio nel Hospital Valle d'El Nalón, en Llangréu.

“El trámite ha facese de la forma más rápida posible si queremos llegar a tiempu al Congresu de los Diputaos pa la so tramitación posterior”, confirmó’l presidente Adrián Barbón sobre la reforma del Estatutu d’Autonomía pa, ente otros asuntos, oficializar l’asturianu y el gallego-asturiano. “Setiembre” ye’l mes nel que va entamar el procesu.

Si nel 2018 la so obra ‘Allumamientu’ merecía’l XXIV Premiu Xuan María Acebal de poesía, nesta edición de los Premios Lliterarios Pablo Texón repite como ganador d'esti gallardón con ‘Cantar de ti mesma’. L’autor de Felechosa confírmase asina como ún de los poetes de referencia de la lliteratura asturiana d’anguaño.

A les puertes del entamu de los Xuegos Olímpicos de Tokiu, TermAst espubliza la so ventena propuesta, centrada nos deportes y pruebes olímpiques. El so autor, David Fernández Fernández, recueye más de dos centenares de términos “pal so usu estos díes” por parte de los medios de comunicación, deportistes y aficionaos.

El vienres la Conseyería de Salú informó de 628 contaxos, cifra que supera la peor de la tercer fola y que ye la tercera más alta rexistrada en tol andanciu. Esti datu llega nel momentu nel qu’entama la vacunación del tramu d’edá de 20 a 29 años y con una media diaria na selmana pasada de 493 casos nuevos de COVID-19.