El Bloque súmase a la concentración d’apoyu a Pepe El Ferreiro

El Bloque por Asturies súmase a la concentración convocada pa mañana pola plataforma d’apoyu a Pepe El Ferreiro, que tendrá llugar a les 19.30 énte l'edificiu de Presidencia.

Dende'l Bloque camienten que l’alcalde de Grandas, Eustaquio Revilla, tira pola borda un trabayu d´años sólo por un puestu pa la so xente y  fai oyíos sordos a la voz del so pueblu, que reclama la realmisión de Pepe Ferreiro. “Quiciabes señor alcalde, seya tiempu de recapacitar”, señalen
 
La organización diz participar en defensa del trabayu fechu por José Naveiras pol Muséu y en particular pola so apuesta pola cultura del occidente y toa Asturies en xeneral.
 
La concentración va ser mañana xueves 11 de febreru, a les 19.30 hores énte Presidencia (cai Suárez de la Riva) y ta convocada pola plataforma qu'integren un centenar d´asociaciones, coleutivos culturales y 300 establecimientos turísticos.