Convoquen la segunda edición del “Guzmán Álvarez” en paḷḷuezu
|
1 Marzu, 2010 por Damián Barreiro
- Inicie sesión o rexístrese pa espublizar comentarios
El Club Xeitu de Ḷḷaciana convoca’l segundu certame lliterariu “Guzmán Álvarez” col únicu requisitu que les obres tean escrites en paḷḷuezu, variante del norte de Lleón.
El certame tien dos categoríes, una en poesía y otra en prosa, pudiendo concursar toles persones que lo quieran con trabayos inéditos y de temática llibre que tean escritos " na llingua vernácula de la montaña occidental asturlleonesa, variante del bable”.
El xuráu tará constituyíu por relevantes personalidaes del mundu lliterariu o de la revitalización y estudiu del paḷḷuezu, siendo presidíu pol ḷḷacianiegu Roberto González-Quevedo. Los galardones entregaránse nuna celebración de recital de paḷḷuezu que tendrá llugar el 1 de xunu.
El Club Xeitu, tien como oxetivos la recuperación, espardimientu y conservación de los valores culturales y patrimoniales de la comarca y la montaña occidental asturlleonesa.
Efrén d'Andrés
