La esquierda abertzale llama a "salir a la cai a denunciar la guerra sucia"

El Movimientu pro Amnistía fixo un llamáu a salir a la cai güei y nos próximos díes col envís de "denunciar la guerra sucia y la represión" pola muerte del miembru d'ETA Jon Alza.

El Departamentu d'Interior prohibió ayeri les concentraciones anunciaes pa güei en rellación cola muerte del miembru d'ETA Jon Anza, en previsión de la comisión de delitos d'allabancies del terrorismu o alteraciones del orde públicu.

Según señalaron fontes del coleutivu d'apoyu a los presos d'ETA nun comunicáu, la prohibición d'Interior de los actos convocaos pa mañana enmárcase "nos aparatos de represión pa  tentar de llimpiar la guerra sucia".
  
"Los responsables políticos del asesinatu de Jon (Anza) pretenden llimpiar la guerra sucia. Los responsables políticos del asesinatu de Jon traten d'esviar l'atención d'esta muerte al traviés de la mentira y la represión, que ye la única ufierta que los estaos faen a Euskal Herria. Pero los ciudadanos nun vamos quedar en casa ante esta  guerra y esta xabaz represión", alvirtieron.