Rodrigo Fernández Joglar (Xixón, 1988) ye’l responsable de la propuesta última de TermAst. Esti pedagogu y músicu, integrante de Verdasca, presentó una terminoloxía educativa y yá trabaya n’otra sobre'l léxicu musicolóxicu.
Xuan Santori (Uviéu, 1968) convirtióse, gracies al Reglamentu d’Estudios de Doctoráu nuevu, na primer persona en presentar una tesis n’asturianu tramitada dafechu nesi idioma. Nella presenta un métodu aplicable a otres llingües minoritaries.
‘Homes invisibles’ ye’l nome del segundu trabayu de Bacotexo, grupu qu’usa’l gallego-asturianu nes sos composiciones. Ricardo Saavedra Fernández-Combarro (Uviéu, 1977), vecín d’A Caridá, ye’l baxista de la banda formada en Tapia nel 2007.
Iniciativa pol Asturianu ye una asociación de creación nueva que vien a sumar na reivindicación ciudadana pa garantizar la sobrevivencia del idioma. Inaciu Galán (Xixón, 1986) y Vítor Suárez (Uviéu, 1988) son miembros de la xunta promotora.
Los y les siguidores de Dixebra tán de norabona. La banda de Xune Elipe (Villalegre, 1962) celebra los sos 25 años de vida con ‘Dixebra XXV. 1987-2012’, un discu recopilatoriu con novedaes abondes y una edición espectacular.
El I Salón Internacional de Sidres de Gala entamáu pola revista La Sidra esta seronda foi un ésitu de participación. Manuel Gutiérrez Busto (Mieres, 1955) encargóse de presentar nél una sidra brut, una de xelu y un destiláu de sidra.
El 27 d’abril, la Banda de Gaites Llariegu, de Sariegu, dirixida por Pablo Pérez Fernández (Sariegu, 1985), celebró’l so quince aniversariu con una actuación especial na Llaboral que se grabó pa la edición d’un CD-DVD. Ésti ta cerca de ver la lluz.
José Carlos Rubiera Tuya (Cabueñes, 1956) ye dende mediaos de xunu conceyal d’Educación, Cultura, Mocedá y Festexos del Conceyu de Xixón. El cantante y escritor faló con Asturies.com de la so nueva esperiencia política.
Nesti 2011 cúmplense 25 años del nacimientu d’una de les bandes con más renome dientro y fuera de les nueses llendes: la Banda Gaites Villaviciosa-El Gaitero. Martín Poladura Berros (Pueyes, 1979) ye’l so direutor dende agostu del 2003.
San Tiso d’Abres va recibir el sábadu, día 22, el Premiu al Pueblu Exemplar d’Asturies del 2011. La escritora Aurora García Rivas (A Antigua, 1948) avéranos nesta entrevista, retrucada na fala del llugar, el conceyu más occidental del país.
