Skip to content

Llingua asturiana

21-04-2014

Les enmiendes de Foro y IX sobre la presencia del idioma na RTPA son bien recibíes pola XDLA. El coleutivu cívicu demanda a tol arcu parllamentariu una posición común qu’afite al ente "como ferramienta de normalización social del asturianu".

15-04-2014

La RTPA ha de contribuyir al procesu de normalización y propiciar la creación d’una industria audiovisual, apunta Foro na enmienda que presenta a la  llei de reforma del sector públicu. IX quier una presencia mínima del 30 por cientu.

09-04-2014

Xune Elipe va encargase de conducir un espaciu nuevu n’asturianu na RPA. ‘Qué facer. Informativu d’ociu y tiempu llibre n’Asturies’ va proponer tolos xueves, de 12.30 a 13 hores, planes y actividaes de cara a la fin de selmana.

04-04-2014

Ramón Durán, Defensor del Universitariu de la Universidá d’Uviéu, unvió una carta al rector Gotor na que recomienda cambios nel Reglamentu sobre presentación d’escritos n'asturianu nel Rexistru. Tamién suxer cursos pa funcionarios.

03-04-2014

Esti abril van principiar dos cursos d’asturianu. El primeru, entamáu pola XDLA, ta destináu a persones con conocimientos previos del idioma y tien como sede Uviéu, mientres que’l segundu ye d'aniciación y celébrase en Llaranes.

02-04-2014

L’asturianu da un pasu nuevu hacia la normalidá na RPA. Esti sábadu’l programa ‘Tiempo añadido’, nel que Miguel Fernandi ‘Burilo’ va retresmitir el partíu Compostela-Uviéu (18 hores), va ser en llingua asturiana dafechu.

28-03-2014

Los profesores de Llingua Asturiana y Gallego-asturiano de Primaria, Secundaria y Bachilleratu yá pueden matriculase pa la VI Sestaferia que va tener llugar el 25 d’abril en Xixón. Ésta va constar de charres y talleres enfocaos a les TIC.

26-03-2014

Coleutivos nuevos sumáronse al documentu ‘Cinco puntos por unos medios públicos al serviciu d’Asturies’, entamáu pola XDLA y presentáu hai poco más d’un mes na sede de l’ALLA. El Sindicatu d'Enseñanza de CC OO d'Asturies ye ún d’ellos.

24-03-2014

Esti martes va tener llugar na Facultá de Formación del Profesoráu y Educación la I Xornada ‘La Llingua Asturiana nel Sistema Educativu d’Asturies’. La Delegación d’Alumnos y Alumnes Grupu 36 entama esta actividá.

21-03-2014

Diecisiete funcionarios de l’alministración asturiana con bon conocimientu del idioma van participar del llunes al xueves nun cursu entamáu pol Institutu Asturianu Adolfo Posada. Ésti va tratar sobre l'usu del llinguaxe especializáu n'asturianu.

20-03-2014

Inaciu Galán y González participa esti xueves nel XVI Forum for Iberian Studies: Cultural and Linguistic Diversity in the Iberian Peninsula que se celebra n’Oxford. L’escritor va falar de la situación d’anomalía llegal del asturianu.

19-03-2014

Esti xueves va zarrase’l plazu d’inscripción pal cursu d’asturianu qu’entama’l Conciyu Ḷḷena p’adultos. Les clases van tener llugar los llunes y miércoles n’horariu de 17 a 19 hores y va poneles Penélope Miranda, responsable del SNL.

14-03-2014

El periodista Naciu Varillas va ser el responsable de presentar el primer boletín de noticies n’asturianu de la RPA na historia de la emisora. L’actualidá en llingua asturiana na radio pública va dase a les 13 hores, de llunes a vienres.

11-03-2014

María Esther García, conceyala de Cultura de Castrillón por IX, declaró nún de los programes últimos de ‘Iniciativa pol Asturianu nes ondes’ que nun podía utilizar l’asturianu nel Plenu. Afirma que cola oficialidá nun se daría esti casu.

03-03-2014

Coincidiendo col 125 aniversariu de la primer narración fecha n’asturianu con dibuxu artísticu, la Selmana de les Lletres Asturianes va tar dedicada al cómic. L’eventu va celebrase del 2 al 11 de mayu baxo’l lema ‘Dibuxando un camín’.

28-02-2014

L’asociación Faceira y l’Ayuntamientu d’Estorga entreguen el sábadu na capital maragata los premios del I Certame Lliterariu Astúrica. Los asturianos Inaciu Galán, Naomi Suárez e Irma González-Quevedo, ente los gallardonaos.

27-02-2014

La toponimia tradicional de Bual yá ye oficial. El Conseyu de Gobiernu dio lluz verde a l’aprobación de los topónimos del conceyu occidental y tamién a la modificación de trés nomes de llugar de Carreño por pidimientu de la Casa Conceyu.

25-02-2014

La ‘Revista de Filoloxía Asturiana’ algama'l númberu 13, correspondiente al añu 2013. Ésta ye una de les cinco espublizaciones qu’acaba d’anunciar el Seminariu de Filoloxía Asturiana, grupu d’investigación de la Universidá d’Uviéu.

24-02-2014

La obra ganadora del VI Premiu Fierro Botas, ‘L’espeyu onde miranos: televisiones de proximidá n’Europa Occidental y procesos de recuperación identitaria’, yá ye una realidá. El so autor ye Damián Barreiro y la edición, de Trabe.

21-02-2014

Esti vienres, 21 de febreru, la comunidá mundial celebra'l Día Internacional de la Llingua Materna. La falta d’oficialidá marca esta xornada n’Asturies, onde nel añu últimu l’idioma nun vivió avances significativos qu’ayuden a la so consolidación.