Asturies.com ufre una galería de semeyes de la manifestación pol XLV Día de les Lletres

La sociedá asturiana reclamó la oficialidá del asturianu y del gallego-asturiano un añu más per Uviéu na marcha convocada pola Xunta pola Defensa de la Llingua Asturiana (XDLA).

El día depués del XLV Día de les Lletres Asturianes, celebráu'l vienres 3 de mayu, la cai Uría tornó a convertise nuna marea humana demandando la igualdá de derechos de los falantes de les llingües propies d'Asturies colos de los de castellanu nel país. Una mañana de sábadu reivindicativa que nesta ocasión tuvo la compañía del sol.

Asturies.com acudió a la cita pa contar a tola ciudadanía lo qu'aconteció nesa xornada entamada pola XDLA n'Uviéu. Y como ye vezu, ufre a los sos llectores una galería de semeyes de la mesma.

Pue vela calcando equí.