La Fiscalía solicita cinco años de cárcel pa Fernández Villla

|

Acusa al ex secretariu xeneral del SOMA-UXT d'apropiase de manera indebida de 434.158 euros del sindicatu mineru ente 1989 y 2012.

Enrique Valdés-Solís presentó ayeri'l so escritu d'acusación contra José Ángel Fernández Villa, nel que solicita cinco años de cárcel pal sindicalista, siete díes depués de que la xueza Simonet Quelle finara cola instrucción del casu. Tamién solicita pena de prisión, nesti casu de 3 años y 6 meses, a Pedro Castillejo, ex secretariu de la Fundación Infide, dependiente del SOMA-UXT, tamién por apropiación indebida, nel so casu de 119.434 euros.

Según considera'l fiscal, Fernández Villa ideó un plan, aprovechando'l so contro'l absolutu dientro del sindicatu, pa desviar fondos del mesmu al so patrimoniu personal. D'igual forma, fixo gastos d'aparcamientu, en restoranes, puros o llibros, ente otros munchos productos, que nada nun teníen que ver col SOMA-UXT, hasta llegar a una cantidá total de 434.158 euros en tolos conceptos, polo que pide pal llangreanu cinco años de cárcel, diez meses de multa con una cuota de 150 euros y la devolución de toles perres.

 

 

 

 

Contador Estadistiques