Operación xudicial contra Villa pola obra de la residencia de Felechosa

Mediu centenar de persones tán siendo investigaes, ente ellos el sindicalista, dientro de la nomada 'Operación Hulla'.

José Ángel Fernández Villa y José Antonio Postigo, que fora responsable del Montepío, son los nomes más destacaos de los más de cincuenta investigaos pola Fiscalía Anticorrupción na operación que tuvo los sos primeros rexistros ayeri, siendo ésti últimu deteníu. Nesa llista tamién ta José Manuel Fernández, asesor fiscal del Montepío; el constructo José Antonio Fernández; y l'arquiteutu Manuel Sastre, toos ellos tamién prindaos, asina como familiares direutos de los sindicalistes.

La razón de la 'Operación Hulla' ye la investigación del desvíu de fondos públicos y privaos al traviés de la obra de la residencia de Felechosa. La investigación naz a partir de la intención de los dos sindicalistes del SOMA-UXT de regularizar cantidaes importantes de perres na amnistía fiscal de Montoro del 2012: 1,4 millones nel casu de Fernández Villa y 400.000 euros nel de Postigo.

La residencia 'La Minería' taba presupuestada en 27,73 millones d'euros, anque'l proyeutu inflóse al final de la mesma hasta superar los 32,5. Fernández Villa tamién tuvo que facer frente recién a una acusación del SOMA-UXT por apropiación de 420.000 euros del sindicatu, polo que la Fiscalía solicita cinco años de cárcel.