La condena pal ex líder mineru Fernández Villa queda en 3 años de cárcel

Ha de pagar una multa de 24.000 euros y devolver al SOMA-UXT 431.330 euros.

José Ángel Fernández Villa foi condenáu a 3 años de prisión, dos menos de los que solicitaba la Fiscalía, por apropiación indebida continuada del sindicatu del que yera secretariu xeneral. La sentencia, que pue recurrise énte'l Tribunal Supremu, ve probao que'l líder mineru aprovechó la so xerarquía pa beneficiarse económicamente a costa del SOMA-UXT, que-y reclamaba un total de 434.158 euros.

L'Audiencia yá condenara previamente al otru acusáu, Pedro Castillejo, a 2 años de cárcel y una indemnización pal sindicatu de 119.434, la totalidá que-y demandaba'l SOMA-UXT. L'ex secretariu de la Fundación Infide, que nun entraría na cárcel al nun tener antecedentes penales, recurrió la sentencia.