La Fiscalía considera que Fernández Villa pue valise por sí mesmu

|

La solicitú d’incapacidá que reclamó la familia del ex sindicalista José Ángel Fernández Villa foi refugada pola Fiscalía d’Asturies. Les supuestes limitaciones físiques y psíquiques del que fora líder del SOMA-UXT nun-y impidiríen valise por sí mesmo.

Fernández Villa ta siendo investigáu anguaño por apropiase de manera indebida de 434.158 euros del sindicatu mineru ente 1989 y 2012. Nun ye la única causa que tien abierta, yá que la Fiscalía Anticorrupción acúsalu de desviar fondos públicos y privaos al traviés de la obra de la residencia de Felechosa na llamada ‘Operación Hulla’.

Esti refugu de la Fiscalía correspuende a un plantegamientu fechu pola familia del acusáu nel mes de marzu pol primer casu, na que se solicita cinco años de cárcer pal de Tiuya. Agora, tres refugar esta posibilidá al considerar que pue valise per sí mesmu, archiva les dilixencies informatives incoaes nes qu’analizó nos últimos cuatro meses una bayurosa documentación esistentes al respeuto.

Sicasí, la familia de Fernández Villa entovía pue acudir a los xulgaos pa solicitar la incapacidá del acusáu.

Contador Estadistiques