Noticies a La Gueta

Cubierta 'Astérix n'Italia'

'Astérix n’Italia’, ‘Astérix et la Transitalique’ na so llingua orixinal, ye’l númberu nuevu de les aventures de los galos Astérix y Obélix, que fai’l 37 de la coleición creada por Albert Urdezo y el fináu René Goscinny nel 1961. El cómic salió a la venta la selmana pasada en 17 idiomes, ente ellos l’asturianu y el mirandés (‘Astérix an Eitália’).

Cartelu La Reciella de la Factoría seronda 2017

La compañía d’Olga Cuervo va encargase d’abrir esti vienres la temporada seronda d’actividaes de La Reciella de la Factoría cola obra ‘Tiempu de castañes’. La Estaya de la Llingua y ‘Reciella. Families pol Asturianu’ tienen programaos otros dos eventos nesti ciclu.

Taller de cine n'asturianu n'Aviles

La Estaya de la Llingua d'Aviles, en collaboración colos Centros Culturales y la Rede de Biblioteques del Conceyu d'Avilés, entama tres talleres nos que se va deprender a facer curtiumetraxes. Estos talleres tan pensaos pa unes edaes de 10 a 16 años y van facese en dos díes siguíos, vienres y sábadu.

L’ociu y el deporte van protagonizar una xornada familiar col asturianu como llingua vehicular nel Día de la Reciella

Yá ta too preparao pa la celebración del V Día de la Reciella esti domingu nel Muséu del Pueblu d’Asturies. L’ociu y el deporte, principalmente cola II Entaína, protagonicen una xornada en familia con más d’una docena d’actividaes col asturianu como llingua vehicular.

Cartelu V Día de la Reciella

El domingu, dientro del marcu del V Día de la Reciella, va tener llugar la II Entaína, carrera familiar y popular que tien como oxetivu celebrar la tresmisión interxeneracional del idioma. Nella va homenaxase a la familia de Nacho Fonseca.

Guía de Programes Educativos de Xixón 2017-2018

Los centros educativos de Xixón pueden participar en diez talleres o actividaes entamaes pol Departamentu d’Educación de la Fundación Municipal de Cultura, Educación y Universidá Popular. Éstos tán empobinaos a alumnáu dende Infantil a Bachilleratu.