Noticies a La Gueta

‘Astérix y los normandos’ y trés reediciones llegaron del galu esti 2022

Cubierta 'Astérix y los normandos'

Dende’l 2013, cuando espublizó ‘Astérix na tierra los pictos’, Salvat-Bruño vien tolos años –sacante’l 2018– asoleyando álbumes del personaxe galu en llingua asturiana. L’últimu ye ‘Astérix y los normandos’, númberu 9 de la coleición, que se suma a trés reediciones de títulos que yá taben escosaos.

Lleer más

L’Anguleru yá ta llegando a Asturies

L'Anguleru

El sábadu celebramos Nuechebona, el día nel que L’Anguleru llega a Asturies nel so barcu dende’l mar de los Sargazos, onde cuira tol añu de les anguiles y de les angules. La comunicación última con la embarcación avisa de que verá’l puertu de L’Arena a les 18 hores, onde va saludar a toles neños y neños que lu reciban.

Lleer más

Quince escolinos clasifiquen pa la final de la Olimpiada Escolar de Redaición Urbano Rodríguez

Carpeta y bolígrafu de l'ALLA

Esti miércoles va desenvolvese nel llar social de l’Academia de la Llingua Asturiana (ALLA) la final de la Olimpiada Escolar de Redaición Urbano Rodríguez. La institución académica entama esti concursu nel que pasaron la fase clasificatoria quince escolinos, 6 de Primaria y 9 de Secundaria y Bachilleratu.

Lleer más

Escenines pa la Reciella programa trés obres de teatru pa esta Navidá

Cartelu Escenines pa la Reciella

Avérase la Navidá y, con ella, les ganes de volver a disfrutar d’Escenines pa la Reciella, el festival d’artes escéniques que ‘Reciella. Families pol Asturianu’ entama por estes feches pa ufrir teatru n’asturianu a les neñes y neños asturianos. Esta edición va contar con trés obres que se van representar en Xixón ente los díes 27 y 29.

Lleer más

Castro Gión cítase colos sos llectores en Bual pa presentar ‘Bandeira moura’

Llibru 'Bandeira moura' d'Alberto Castro Gión

L’escritor Alberto Castro Gión fai parada en Bual dientro de la so ruta pel occidente del país pa presentar ‘Bandeira moura’, la historia cola que ganó’l I Premio Quiastolita de Lliteratura Infantil en gallego-asturiano. Esta obra yá ta ta disponible en llibru gracies a la edición fecha pol Parque Histórico del Navia y la Conseyeiría de Cultura, Política Llingüística y Turismo.

Lleer más

La historia ‘Boliescritu de primavera’ yá tien llibru

Cubierta 'Boliescritu de primavera' de Xilberto Llano

La obra ganadora del XIV Premiu María Josefa Canellada de lliteratura infantil y xuvenil, correspondiente al añu 2021, yá tien llibru. Impronta edita ‘Boliescritu de primavera’, la historia que nos regala Xilberto Llano, que va presentar la so creación esti vienres n’Uviéu.

Lleer más