Los grupos de teatru de los colexos de Felechosa y Returbiu participen nuna gala en Mieres
![Grupo de teatru CP Felechosa y CP Returbiu Grupo de teatru CP Felechosa y CP Returbiu](https://asturies.com/sites/default/files/grupo_de_teatru_cp_felechosa_y_cp_returbiu.jpeg)
Esti xueves celébrase en Mieres la VI Gala de Teatru Escolar n’Asturianu. Nella participen los grupos de teatru de los colexos de Felechosa y de Returbiu, ganadores nel IX Certame de Teatru Escolar de la Conseyería d’Educación, que van representar les gallardonaes ‘Esto ye mundial’ y ‘Un día de llocos’.
El Premiu a la Meyor Direición y al Meyor Vestuariu en Primaria recayó na escuela de Felechosa, dirixida por Laura Prieto. Mentes, el de Returbiu llevó’l de ‘Meyor obra’ col grupu formáu por alumnes y alumnos de quintu y sestu.
La oportunidá pa ver la representación d’estes dos obres va tener llugar esta tarde, a les 19 hores, nel Auditoriu Teodoro Cuesta. La entrada ye llibre hasta completar aforu.
Na imaxe, les escolines y escolinos de CP Felechosa na parte superior, y les del CP Returbiu, na inferior.
Adxuntu | Tamañu |
---|---|
![]() | 336.16 KB |