La Olimpiada Asturiana de Redaición, el meyor concursu pa mostrar el to nivel d'escritura
![Olimpiada Escolar Urbano Rodríguez ALLA primer fase 2022 Olimpiada Escolar Urbano Rodríguez ALLA primer fase 2022](https://asturies.com/sites/default/files/olimpiada_escolar_urbano_rodriguez_alla_primer_fase_2022_recortada.jpg)
El 17 de payares va celebrase la primer fase, clasificatoria pa la final, de la Olimpiada Escolar de Redaición. Los centros que cumplen los requisitos pueden participar nesti concursu tan prestosu que l'añu pasáu contó con 120 aspirantes.
L’Academia de la Llingua Asturiana (ALLA) entama per segundu añu esta iniciativa que lleva’l nome d’Urbano Rodríguez en mou d’homenaxe a esti profesor. Cuenta con dos categoríes, escolines y escolinos de Primaria y de Secundaria y bachilleratu, y divídese en dos fases.
La primera celébrase’l 17 de payares y consiste na ellaboración d’una redaición siguiendo un tema y unes condiciones que va marcar nesi momentu, a les 10 hores, l’ALLA per videoconferencia. El maestru va decidir cuáles son les que merecen pasar a la final del 20 d’avientu, que va ser n’Uviéu, nel llar de la institución, nuna mañana inolvidable.
El ganador va llevar como premiu material escolar, llibros y un elementu conmemorativu, pero namás por participar entrégase un diploma. El profesor, mentes, va recibir un val d'ayuda que depende del desplazamientu y del númberu de participantes del centru.
La escuela ha contar ún o más espacios con cámara, pantalla y conexón a Internet pa poder inscribise, plazu que va abrise n'ochobre.
Na semeya, un momentu de la primer fase de la Olimpiada Escolar del cursu pasáu.
Adxuntu | Tamañu |
---|---|
![]() | 244.69 KB |