"A la Gueta los Suaños" tamién na radio
![](https://asturies.com/sites/default/files/radio.jpg)
La revista dixital "A la Gueta los suaños" estrenaba'l pasáu 21 de setiembre la so collaboración con "Radio Parpayuela", que va poder sentise tolos miércoles a les 12.30 hores.
La sección, que s'alluga dientro del programa "Hablando en confianza", recomendará cada selmana un llibru de Lliteratura Infantil y Xuvenil n'asturianu, faciendo un pequeñu repasu peles sos característiques y lleendo un retayu del mesmu como manera de meter en gana na so llectura.
Hasta'l momentu tiénense recomendao l'álbum de Berta Piñán que ganara la primer convocatoria del Premiu MªJosefa Canellada, "Arroz, agua y maíz"; y el llibru de Vicente García Oliva "Deva y yo".
Asina mesmo nesta mesma páxina dixital van dir colgándose los audios de los programes pa poder siguir los mesmos y facilitar la xera de dar a conocer la lliteratura pa los más mozos na nuestra llingua.