Cuando los gatos conquistaron la Tierra
![Cuando los gatos conquistaron la Tierra Cuando los gatos conquistaron la Tierra](https://asturies.com/sites/default/files/cubierta_atos_conquistaron_tierra.jpg)
Nome: ‘Cuando los gatos conquistaron la Tierra'
Autor: Enrique Carballeira
Editorial: Asturtoons, 2016
Ehí los tenemos. Conquistaron millones de cases en tol mundu. Fixéronse los dueños de los sofás, de les cocines, de los armarios, de les terraces... Viven como marqueses. Peinámoslos y acariciámoslos a toes hores. Tol día durmiento, comiendo y afayándose en cualesquier requexu... Esti ye'l llibru que lo esplica too. Cómo llegamos a esta situación. El nuevu llibru d'Enrique Carballeira ye'l llibru que nengún amante de los gatos se pue perder. Y si nun te presten, tampoco.
El nuevu títulu de la coleición 'Llingua de Trasgu' estrena nuevu formatu. Llibru+CD. Per un llau ye un volume de 40 páxines en blancu y negru, con munches ilustraciones y dos páxines de bocetos. Y per otru tamién inclúi un CD col llibru en formatu Ebook-PDF, con ilustraciones a color, pa que lu podáis cargar nel ordenador, na tablet, nel llector de llibros o nel movil.