noticia

Dende esti xueves ta abiertu’l plazu d’inscripción pa la materia de Llingua Asturiana y de Gallego-asturiano en toles etapes educatives. La campaña #Apúntate ta teniendo espaciu na televisión y na radio pública asturiana cola fin de promover la matriculación na asignatura y llegar a la sociedá.

La Conseyería d'Educación y la de Cultura, Política Llingüística y Turismu entamen una campaña p'animar a la matriculación nes materies de Llingua Asturiana y Gallego-asturiano más ambiciosa qu'otros años. Nesta ocasión va saltar de les escueles y les redes a la radio y a la televisión.

Esti xueves garren les vacaciones los escolinos d’Infantil y Primaria, que yá tienen fecha pa la vuelta a les clases de manera presencial, en grupos de 15 persones y ensin mázcaru hasta los 9 años. Va ser el 10 de setiembre, mentes que los alumnos de Secundaria y Bachilleratu van facelo cuatro díes más tarde.

Los Ministerios de Sanidá, y Educación y Formación Profesional tienen preparáu’l documentu que va servir de base a los centros pa la organización pal cursu escolar viniente. Los grupos hasta cuartu de Primaria han de ser de 15 escolinos –un máximu de 20– que nun van tener que guardar la distancia intepersonal obligatoria.

El primer llibru pa la reciella de l’autora asturiana residente en Cantabria, Monse Lasconi, yá tien versión n’asturianu. ‘Déxame ser un neñu’ ye una obra con pictogrames destinada pa neñes y neños d’Educación Infantil que "trata sobre los valores y sentimientos” de los más pequeños de la casa.

El profesoráu de Llingua Asturiana y Gallego-asturiano yá conoz el plazu nuevu pa la entrega de trabayos pa los concursos escolares qu’entama’l Gobiernu pola Selmana de les Lletres Asturianes tres el so aplazamientu pola crisis sanitaria. El día caberu d’entrega ye’l 11 de setiembre y l’actu pol Día de les Lletres, el 2 d’ochobre.