noticia

El conceyal de Cultura del Ayuntamientu d'Avilés, Román Álvarez, presentó esti martes 27 d'abril el cartel de les VII Xuntes d'Escolinos d'Avilés y Comarca, qu'homenaxarán al escritor mierense Xosé Antonio García.
Nel actu de presentación del cartel, obra del escritor ya ilustrador avilesín, Miguel Solís Santos, asistieron el conceyal, el propiu autor del cartel y la responsable de la Estaya de la Llingua d'Avilés, Montse Machicado.
 

Cerca de 600 mozos y moces de Xixón van participar nuna xornada lúdico-pedagóxica na que s'intenta averar l’asturianu a la mocedá al traviés de talleres y un concursu de caraoque.
La Oficina Municipal de la Llingua organiza, con gran ésitu, los Alcuentros de la Mocedá cola Llingua, "Saca la Llingua", dende hai siete años, coincidiendo cola Selmana de les Lletres Asturianes.
La xornada va tener llugar nel Muséu del Pueblu d’Asturies con actividaes como xuegos y deportes tradicionales como los bolos, la llave, los zancos, la rana, el tiru cuerda, el tiru al palu.

Esti xueves 25 de marzu va tener llugar a les 20.00 hores na llibrería "La buena letra" de Xixón, la presentación del últimu númberu de la Colección Escolín qu'espubliza l'Academia de la Llingua Asturiana: "Olaya n'África".

Con testu de MªRosa Serdio ya ilustraciones d'Esther Sánchez sal a la cai l'álbum ilustráu "Colores y más colores", editáu por Pintar-Pintar Comunicación.
El llibru xuega cola doble influencia creativa de los versos inspiraos nos oxetos colos que venceyamos davezu los colores, y les obres pictóriques de xenios del color como Claude Monet, Joaquín Sorolla, Vincent Van Gogh o Gustave Klimt.

El Sindicatu de la enseñanza  tien convocao pa los próximos díes 19 y 20 una nueva edición de les Xornaes  que yá desarrollara na primavera del 2008.

La Oficina de la Llingua de Xixón va celebrar el Día Internacional del Idioma Maternu nel IES Padre Feijoo, con esposiciones, llectures y un karaoke multillingüísticu.
La cita ye nesi centru escolar, con aula d'acoyida llingüística, el llunes 22 a les 12.30 hores. Ye’l setu añu consecutivu que s'entama la celebración “col envís de dar a conocer la importancia de  les llingües y la diversidá cultural ente la xente mozo al tiempu que camienten sobre'l papel qu'ellos puen cumplir nel respetu y espardimientu de les llingües, entamando pola propia, l'asturianu”.