Preséntase'l númberu 65 de la Colección Escolín

Esti xueves 25 de marzu va tener llugar a les 20.00 hores na llibrería "La buena letra" de Xixón, la presentación del últimu númberu de la Colección Escolín qu'espubliza l'Academia de la Llingua Asturiana: "Olaya n'África".

La obra resultó ganadora del concursu "Llectures pa rapazos" que convoca añalmente l'ALLA na so edición del 2008, valorando especialmente'l xuráu la posibilidá d'enanchar los nuestros conocimientos d'otres cultures qu'ufiertaba'l testu.
La presentación va correr a cargu del maestru y académicu de númberu de l'Academia de la Llingua Asturiana, Pablo Xuan Manzano; amás de la propia autora del testu, Helena Trexu Fombella, y la responsable de les ilustraciones, Violeta Mateu.
Helena Trexu Fombella tien espublizaos dellos llibros infantiles, ente los que rescamplen: "Cuentos pa que suañes" (Grupu Epona, 2003), "A la gueta de setes na seronda" (Asturtoons, 2006) o "Mitoloxía asturiana pa rapacines y rapacinos" (Grupu Epona, 2007)