Miguel Rodríguez Monteavaro y Castro Gión lleven la primer edición de los premios en gallego-asturiano

Los concursos lliterarios en gallego-asturiano creaos esti añu pol Conceyo da Veiga y la Fundación Parque Histórico del Navia en collaboración cola conseyería, el Río del Eo de poesía y el Quiastolita de lliteratura infantil, de manera respeutiva, yá tienen ganadores. Son los escritores Miguel Rodríguez Monteavaro y Alberto Castro Gión.

Estos premios, que se sumen a los cinco que s’entamen n’asturianu dende Cultura, Política Llingüística y Turismu, tienen una recompensa caún de 1.500 euros pal ganador. Nel casu del Ría del Eo de Poesía en Galego-asturiano, el merecedor foi Miguel Rodríguez Monteavaro cola obra ‘Oi, que dice mamá que volvas’ por una “poesía espida de malabarismos, pro que reverque de pluma, oficio, sensibilidá y universalidá, con un gran uso del llinguaxe que fluye con toda naturalidá pra crear un gran poemario”, mentes José Manuel Gayol llevó una mención especial por ‘D’outro mundo’.

Pela so parte Castro Gión foi’l ganador del Premio Quiastolita de Lliteratura Infantil por ‘Bandeira moura’. El xuráu rescampló “a súa adecuación pral público d’edá infantil, a orixinalidá del trabayo y as muitas referencias históricas, os recursos lliterarios usaos y a capacidá de conectar col público infanti”.