Los llectores d’Asturies.com consideren que les redes sociales son importantes pa la normalización

|

Les redes sociales van ser perimportantes nel procesu de normalización del asturianu. Asina lo manifiesten la mayor parte de los usuarios d’Asturies.com que participaron na encuesta del nuesu Conceyu Abiertu.
 
El 49 por cientu de los llectores consideren que les redes sociales “pueden ser una ferramienta complementaria y útil pa p’algamar la normalización del idioma” y un 25 por cientu cree qu’éstes van ser “fundamentales porque son el futuru de la comunicación ente persones”. La suma de les dos opciones da que’l 74 por cientu de los usuarios consideren importante esta forma nueva de comunicación qu’ufre Internet.
 
Mentes, el 27 por cientu de los nuesos usuarios creen qu’onde de verdá ye necesaria la normalización del asturianu debe ser na cai y non nun ordenador. Dende agora mesmu, los llectores d’Asturies.com yá pueden votar una nueva encuesta en Conceyu Abiertu.

Contador Estadistiques