La selmana pasada rexistróse una media de 175 casos diarios

|
Vacunación home segunda dosis nel Palaciu a menores de 65 años con Janssen

La cifra d'hospitalizaos asciende a 99.

Esta fin de selmana rexistráronse 598 casos nuevos de COVID-19, 262 el vienres, 204 el sábadu y 132 ayeri, qu'aumenten la cifra total na selmana última a 1.224 casos, el doble que l'anterior, cuando se comunicaron 491.

Supón una media diaria de 174 contaxos, cifres que se daben na primer selmana d'agostu. Dende qu'entamó la cuarta fola esti datu evolucionó asina: 51, 57, 196, 448, 493, 423, 289, 194, 133, 77, 60, 42, 20, 12, 13, 11, 13, 17, 22, 32, 29 y 70, hasta los 175 actuales.

Hai 99 hospitalizaos, polos 78 del xueves. D'ellos 83 tán en planta, 21 más, y 16 na UCI, 4 más.

Estos díes últimos finaron 3 persones cola enfermedá causada pol coronavirus SARS-CoV-2: una muyer de 90 años el viernes y dos homes de 82 y 76, el domingu. El total de muertos nel andanciu xube ya a 2.093.

Ómicron, nome de la variante nueva

La Organización Mundial de la Salu (OMS) dio'l nome 'ómicron' a la variante nueva apaecida na provincia surafricana de Guateng, la 'B.1.1.529'. Ta nestos momentos estudiando la so gravedá y capacidá de contaxu, pero nun primer momentu calificóla "d'esmoleciente".

Na semeya, vacunación a una home, que recibiera'l preparáu de Janssen nun primer momentu, de la segunda dosis nel xixonés Palaciu de Deportes el día 21.

Contador Estadistiques