El Llanera va recibir al Mallorca en Ganzábal

El Sporting, l'otru equipu asturianu presente nel sortéu, recibe n'El Molinón al Alcorcón.

El Llanera, llueu a la UD Logroñés por 2-1, esperaba a un Primera División en segunda ronda. El so rival finalmente va ser el Mallorca, bola que s'encargó de sacar precisamente Luis Garcia, que recibió bien el tener que viaxar a Asturies pa enfrentase al equipu de Posada, obligáu a tener que xugar lloñe del Pepe Quimarán, a Ganzábal.

El Sporting, magar nun cruciase con un de los cuatro Primera RFEF posibles, tuvo suerte nel sortéu al salir como equipu llocal. El rival na eliminatoria que se va celebrar la selmana del 15 d'avientu va ser finalmente l'Alcorcón.

Los de Gallego clasificaron llueu d'eliminar al UC Ceares, nun partíu disputáu n'El Molinón pola imposibilidá d'usar La Cruz pa l'enfrentamientu por decisión federativa, gracies a un solitariu gol de César nel minutu 88. Nun gustó'l partíu de los roxiblancos énte un rival firme en defensa pero inofensivu n'ataque.

L'Uviéu, únicu equipu de LaLiga elimináu

Deceicionó l'Uviéu na so visita al Andratx, conxuntu de Segunda RFEF qu'a la media hora de partíu yá ganaba 2-0. El tantu de Jirka enantes del descansu nun sirvió pa espabilar a los de Ziganda, que namái foron quien a crear trés ocasiones na segunda parte a los baleares, ensin aciertu énte la meta rival.

Na semeya, Carlos Rubén, capitán del Guijuelo, cola papeleta del Llanera.