El miércoles próximu’l programa de reportaxes ‘Comando Actualidad’, que s’emite pela nueche en La 1 de TVE, va centrase nes llingües minoritaries del Estáu más allá de les oficiales más nomaes. Un equipu d’esti espaciu tuvo esta selmana n’Asturies pa conocer la situación del idioma.

Daniel Ripa y los 34 integrantes del Conseyu Ciudadanu de Podemos Asturies celebraron esti martes el primer conceyu de trabayu tres les primaries ganaes pola corriente Somos Asturies. Esti muérganu de la formación estructúrase en diez árees de trabayu diferentes.

Daniel Ripa va ser el primer secretariu xeneral de Podemos Asturies al sumar un 68,49 por cientu de los votos de les primaries de la formación. La candidatura de Somos Asturies que lideraba l’aragonés y que sofitaba Compromisu por Asturies ocupó la totalidá de los puestos pal Conseyu Ciudadanu y la Comisión de Garantíes.

Iniciativa pol Asturianu amosó la so disconformidá con Carlos Rubiera tres la negativa del edil a llevar el billingüismu a la Conceyalía d’Educación, Cultura, Mocedá y Fiestes. La propuesta consistía en que “tolos materiales asoleyaos pol so departamentu apaecieren nes dos llingües, asturianu y castellán”.

Una carta a la Conseyería d’Educación, Cultura y Deporte fechada’l 8 d’ochobre y firmada pol ministru José Ignacio Wert sentenciaba que “dao que’l bable nun ta reconocíu como llingua cooficial nel Estatutu d’Autonomía del Principáu d’Asturies, nun procede la creación como especialidá de profesoráu d’Educación Primaria y Secundaria”. Ana González insta agora al ministeriu n’otra carta a que-y indique cómo desendolcala dende Asturies.

Ediciones Trabe editó a finales d’añu’l llibru en gallego-asturiano ‘Poemas pr'amantes y paquidermos’, el terceru na carrera lliteraria de Miguel Rodríguez Monteavaro. L’escritor bualés va tar mañana n’Uviéu pa presentar esti trabayu y la versión n’asturianu de la so obra ‘Todos os tristes de mayo’ nun actu cargáu d’actividaes lliteraries y musicales.

Fíxose esperar, pero l’Aquaris E4.5 Ubuntu Edition yá ye en una realidá. Esti modelu de la marca madrilana BQ ye’l primeru que lleva Ubuntu Phone, sistema operativu basáu en Linux pa dispositivos móviles que trai de fábrica a la llingua asturiana ente los idiomes pa escoyer.

Eladio Díaz, saxofonista de Dixebra, ta acabante d’asoleyar el so primer trabayu en solitariu, pa lo que se fai acompañar de la so banda paralela, Control Z. Trátase d’una propuesta sonora “radical y orixinal” con bases de jazz y con temes en dellos idiomes, ente ellos l’asturianu.

La marca de calidá ‘Sidrerías de Asturias. Calidad natural’, al igual que les anteriores creaes pol Gobiernu, va tener denominación namái en castellanu. Pa Iniciativa pol Asturianu esta decisión ye “incomprensible y deceicionante”, más nesti casu concretu al ser la llingua asturiana un fechu inseparable de la cultura sidrera.

El coleutivu Nava en Marcha organiza un ciclu de charres de nome ‘Trenes, radios, redes y patates. ¿Cuál ye’l so sitiu en Nava?’. La primera va tener llugar esti xueves y va centrase nel procesu de privatización de Feve y Renfe.