Xosé B. Álvarez Álvarez ye’l responsable de ‘Términos de Bioloxía’, la decimotercer propuesta de TermAst de l’Academia de la Llingua Asturiana. Trátase d’un pallabreru col vistu bonu de la institución que naz pa servir d’utilidá a los profesionales qu’empleguen l’idioma y al públicu en xeneral.

Esposiciones, presentaciones de llibros, eventos de calter musical y artísticu… Son munches les actividaes venceyaes a la llingua asturiana que se celebren nel país estos díes de manera paralela a les institucionales de la XXXVI Selmana de les Lletres Asturianes.

Esti sábadu da aniciu la XXXVI Selmana de les Lletres Asturianes, que vien cargada d’actividaes de toda triba, la mayoría enfocaes sobre manera al públicu escolar. El lema d’esta edición ye ‘Semar palabres, texer futuru’. El XXXVI Día de les Lletres Asturianes va celebrase'l vienres.

Goxe Producciones tien preparaes quince pieces de diez minutos en llingua asturiana pa emitir na RPA dende’l llunes hasta’l vienres de la selmana qu’entra. Reportaxes, entrevistes y tola información sobre la programación de la XXXVI Selmana de les Lletres Asturianes conformen los conteníos.

Xunu o xunetu. Éses son les feches que remana la Conseyería d’Educación, Cultura y Deporte pa la celebración de la gala del IX Premiu al Meyor Cantar. Les bases de la edición d’esti añu daránse a conocer nes selmanes próximes.

Dada la cercanía coles eleiciones a la Xunta Xeneral, siete coleutivos del occidente del país roblaron un comunicáu conxuntu dirixíu a les formaciones polítiques con 16 propuestes de normalización llingüística pal gallego-asturiano. Pretenden que sían un puntu de partida pa la ellaboración de los programes eleutorales d’estos partíos.

El Real Instituto de Estudios Asturianos (RIDEA) acoyó esti martes la presentación del Quixote n’asturianu, torna fecha pol Pablo Suárez García, un momentu que los presentes calificaron d’históricu pal idioma. Les felicitaciones al d’Udrión pol resultáu final del so trabayu nun apararon enantes, mientres y depués del actu, ente elles les de Xuan Bello, que señaló qu’esti clásicu en llingua asturiana “lleva al llector pelos caminos del disfrute”.

El xuráu del III Premiu Timón de Cultura Asturiana, qu'entama L'Arribada, otorgó’l gallardón a l’Asociación pola Recuperación de los Sidros y les Comedies ‘El Cencerru’ de Valdesoto. Esti coleutivu ye clave nel procesu recuperación y difusión de les mazcaraes d’iviernu n’Asturies y ún de los meyores embaxadores del país nel esterior con Los Sidros y La Comedia.

El trabayu d’Ana González na llexislatura no que respeuta a la política llingüística nun foi satisfactoriu pa Iniciativa pol Asturianu. El coleutivu asitia a la conseyera d’Educación, Cultura y Deporte “nel llau de los que destruyen a la llingua asturiana” al dexar al idioma nuna situación peor que nel 2012.

Los llectores asturianos van poder disfrutar de les aventures del Quixote na so llingua gracies a la iniciativa d’Ediciones Laria d’espublizar el trabayu llaboriegu de torna de la novela de Miguel de Cervantes fechu por Pablo Suárez García. Va presentase’l martes a les 19.30 hores na sede del RIDEA.