L'ayuda de 25.000 euros que'l Gobiernu va ufrir a mozos en paru pa la creación d'empreses non agrícoles en zones rurales ye un aciertu pa los nuesos usuarios. Un 64 por cientu de los que participaron en 'Conceyu Abiertu' sofiten la midia.

Una esposición d'Andrés R. Monteavaro nel Palaciu d'Oumaña abre les actividaes.

El Conceyu de Cangas del Narcea entama per octava edición esta Selmana col oxetivu d'homenaxar a la nuesa lliteratura, con una programación bien variada y atractiva. El primer eventu va ser la inauguración de la esposición fotográfica d'Andrés Rodríguez Monteavaro "Paisaxes postindustriales: una mirada al patrimonio esqueicío', a les 20 hores d'esta tarde.

Xornada prieta pa los equipos asturianos, que sumaron trés derrotes y un empate, el del Marino col Gavá en Miramar a un gol.

Una igualada la de los lluanquinos que supo a derrota al llegar el gol catalán nel tiempu añadíu. Pese a ser el segundu clasificáu del potente grupu del país mediterraneu, el Marino foi mui superior y mereció'l trunfu nel partíu. Pablo Hernández adelantó a los de Blas García, pero Boris Garrós igualó una eliminatoria que sigue abierta visto lo visto en Miramar. La vuelta va celebrase'l sábadu a les 18 hores nel Municipal La Bòbila.

El presidente Xuan Ramón Naves y la entrenadora María Fernández 'Pulgui' van tar nel programa que s'emite en MuyMuy Televisión los sábados a les 19 hores al traviés del TDT y Telecable.

'And then there were none', filme estauxunidense dirixíu nel 1945 por René Clair y basáu na novela d'Agatha Christie 'Ten little niggers', va ser dobláu al asturianu por Gonzali Producciones. La versión asturiana va llamase 'Diez negrinos' y va tar fecha en parte pola primer promoción de la Escuela de Doblaxe.

El Grupu Epona anima a tol mundu a participar nesti actu pol cabudañu del profesor y escritor mierense.

Vilareyo, fináu de manera prematura a los 48 años, foi un destacáu defensor de les llingües del país y de la identidá asturiana de l'Asturies de Santiyana y una persona mui conocida pol so activismu. Por esti motivu, el Grupu Epona y los sos collacios nun quieren dexar que la so memoria quede nel escaezu y entamen esti eventu que va celebrase a les 19 hores d'esta tarde na Caxa Rural de Xixón (Paséu la Infancia).

El xuez almite la entrada d’“estelades” na final de copa d’esti domingu en Madrid.

Na mañana d'esti sábadu va celebrase n'Uviéu la primer reunión de trabayu entamada baxo'l paragües de Compromisu por Asturies pa trabayar nel oxetivu de contar con una voz propia dende Asturies na esperada reforma constitucional. Nella participarán independientes y asturianistes de Podemos y les candidatures de xunidá popular.

El rector de la Universidá d'Uviéu Santiago García Granda fixo público esti xueves los sos seis primeros direutores d'área, pa lo que tuvo en cuenta la paridá, la esperiencia y la diversidá d'estayes de conocencia de los candidatos. L'académicu David Melendi va llevar l'Área d'Informática y Telecomunicaciones.

Nel 2015 beneficiáronse cerca de mil persones con escasos recursos.

Esta partida de 370.000 euros va dirixida a emigrantes o descendientes d'emigrantes que carecen de pensión y tienen prestaciones mui pequeñes o niveles d'ingresos que nun-yos permiten cubrir les sos necesidaes básiques. Les ayudes tramítense al traviés del Serviciu d'Atención Social Personalizáu pa Emigrantes y l'añu pasáu llegaron a cerca de mil persones.