Alredor de 250 escolinos y escolines de Llingua Asturiana de siete centros escolares del oeste de Xixón participaron esti miércoles nun actu nel parque d’El Cerilleru qu’abrió les XX Xornaes de Lllingua y Cultura Asturiana. Ésti tenía como fin servir d’homenaxe a Emilio Robles Muñiz 'Pachín de Melás' con motivu del centenariu de la inauguración de la zona infantil, na que tomó parte con unos versos, y a los neños y neñes de La Calzada.

Los neños y neñes de 0 a 3 años y de los primeros cursos d’Infantil son los destinatarios de la campaña próxima de la Oficina de Normalización Llingüística de Xixón. Trátase de ‘¿En qué fales tu?’ y consiste nel deprendizaxe del idioma al traviés d’un xuegu con un muñecu. La iniciativa va complementase col trabayu col cartafueyu pa les families ‘Fála-yos’.

La sidra ye la bébora tradicional d'Asturies. Historiadores romanos falaben del so consumu, nomandola como zythos.

El procesu d'ellaboración de la sidra tien delles fases. La recoyida de la mazana dase nos meses de setiembre y ochobre. Del so mayáu naz la sidra del duernu o sidra dulce, ensin fermentar, que se consumen nesa mesma época. Ye parte fundamental de los amagüestos p'acompañar a les castañes.

Tres dellos meses fermentando en toneles, pa San Xosé suelen espichase pa consumir la sidra natural, que ye la se consume llueu nos chigres.

L’actividá infantil ‘La hora de los cuentos’ qu’entama’l Conceyu de Xixón nes biblioteques municipales incorpora dende marzu sesiones n’asturianu. Esti mes tán previstos cinco eventos pa los que ye necesario inscripción previa.

Con motivu de les celebraciones al rodiu del Día Internacional de la Llingua Materna, la Oficina de Normalización Llingüística de Xixón editó un trípticu pa dar a conocer a los escolinos la importancia de los idiomes minoritarios d’Europa. Ésti lleva’l nome de ‘Dos son más qu’ún, meyor sumar’.