Caracol Teatru, col montaxe de marionetes ‘La viesca de piruletes’, va abrir esti vienres el ciclu d’actividaes infantiles ‘La Reciella de la Factoría’. Trátense de seis xornaes a lo llargo del añu entamaes pola Estaya de la Llingua d’Aviés en collaboración con ‘Reciella. Families pol Asturianu’.

Tamos celebrando l’Antroxu y ‘El requexu de los escolinos’ nun quería perder esta folixa tan prestosa. Asina, incorpora un especial con dibuxos de llectores y de los alumnos del Colexu Rural Agrupáu Pintor Álvaro Delgado d’Outur. ¡Unvíanos les tos creaciones!

Un alcuerdu de collaboración ente ‘Reciella. Families pol Asturianu’, el Conceyu de Carreño y el Teatru Prendes va permitir l’entamu d’actividaes pa neños y neñes de manera periódica en Candás. Nesti mes va celebrase un eventu musical y otru de teatru, ésti últimu previstu pa esti sábadu.

Queda una selmana pa la llegada del Antroxu y ‘El requexu de los escolinos’ de ‘A la gueta los sueños’ quier celebralo con un especial. Asina, yá podéis unvianos los vuesos dibuxos y testos sobre esta folixa tan prestosa pa incorporalos a esta seición que ta acabante de recibir dellos trabayos.

Avérase la Navidá y con ella llega tiempu d’estrenos en ‘A la gueta los sueños’. Asina, los usuarios d’esta revista dixital infantil van poder conocer el significáu de la celebración y les tradiciones d’estes feches nun reportaxe, asina como disfrutar d’una seición nueva, ‘El requexu de los escolinos’, con un especial sobre L’Anguleru con dibuxos de neños y neñes de Piloña, Tinéu y Castrillón.

El II ‘Escenines pa la Reciella’ principia esti llunes col cuentacuentos ‘Coses de neños’ que protagoniza Olga Cuervo. Ésta va ser la primer de les cuatro sesiones que ‘Reciella. Families pol Asturianu’ entama estes Navidaes nel salón d’actos del xixonés Colexu Públicu Xovellanos.

El VII Premiu María Xosefa Canellada de lliteratura infantil y xuvenil recayó na obra ‘Cápsules de tiempu’. El so autor ye Carlos González Espina (Belonciu, 1959), escritor que ta acabante d’espublizar ‘Falar ensin parar’.