Una proposición de llei presentada pol PSOE pa paralizar la LOMCE contó col apoyu de la mayoría del Congresu, siendo los únicos votos en contra los del PP y Foro. El ministru Méndez de Vigo anunció qu’esti procesu va facese al traviés d’un decretu llei, más inmediatu.

Javier Fernández recibió nel Palaciu de Presidencia al coordinador xeneral nuevu d’Izquierda Xunida (IX), Ramón Argüelles, que-y tresmitió la so disposición a negociar un presupuestu que sirva p’aplicar polítiques d’izquierda. La coalición va condicionar un posible alcuerdu al preste de la militancia.

La sesión plenaria de la Xunta Xeneral d’esti vienres va tratar una proposición non de llei presentada por Podemos pa retirar l’IBI a los horros y paneres y activar partíes específiques pa la so conservación. Dellos espertos ratificaron esti llunes en Candás la tesis que defende la formación morada.

Va ser de 2.531.872,25 millones d'euros, con una prima d'emisión de 19,25 por aición, lo que podría suponer un ingresu de 4.533.817 euros estra nel casu de completase.

La Xunta Xeneral d'Aicionistes, ordinaria y estraordinaria, de la sociedá va celebrase'l 14 d'avientu (19 hores, Auditoriu) y va incluyir nel orde del día una ampliación de capital nueva col oxetivu de "consolidar la situación financiera actual". Según datos daos pol conseyu d'alministración, el valor del Uviéu ye trés vegaes mayor dende la entrada nel club del Grupo Carso nel 2012.

Comienza'l día 22 nel llocal del Conceyu Abiertu, con matrícula abierta hasta'l llunes.

La Xunta pola Defensa de la Llingua Asturiana (XDLA) entama tolos años esti cursu col oxetivu de formar a adultos nel bon usu del idioma, tanto a nivel escritu como oral. Les clases van celebrase los martes y los xueves, de 19 a 21 hores, nel baxu asitiáu nel númberu 12 de la cai La Gascona, con Héctor García Gil como maestru y un total de 40 hores llectives.

El sindicatu Comisiones Obreres (CC OO) y la Conseyería d’Educación y Cultura roblaron un conveniu pol que los fondos documentales de la central van depositase nel Archivu Históricu d’Asturies, con sede na cárcel vieya d'Uviéu. Con ello preténdese facilitar l’estudiu y conocencia del pasáu recién del país.

La escritora Lurdes Álvarez ye la ganadora del XI Premiu Timón p’autores en llingua asturiana y eonaviego de l’Asociación Cultural L’Arribada, mentes que la Fundación Belenós resultó merecedora del V Premiu Timón de Cultura Asturiana. Otra manera, el xuráu decidió conceder el VIII Premiu Timón p’autores asturianos en llingua castellana al poeta y traductor José Luis Piquero.

La victoria de Donald Trump nes eleiciones a la presidencia de los Estaos Xuníos, la entovía mayor potencia del Mundu, ximielgó’l planeta la selmana pasada. Un 53 por cientu de los usuarios d’Asturies.com amosó nel nuesu ‘Conceyu Abiertu’ el so esmolecimientu pol discursu del neoyorquín.

Va celebrase esti martes nel Centru de Cultura Antiguu Institutu, llugar onde yá se pue visitar l'amuesa 'Vicente García Oliva: un paisanu con munchu cuentu'.

Los escolinos y escolines de los colexos Asturias, Evaristo Valle, Jacinto Benavente, Manuel García Blanco, Ríu Piles, Santa Olaya y el San Lorenzo son los autores d'esta esposición que pretende repasar la vida y obra d'ún de los sos autores favoritos. Vicente García Oliva ye, amás d'académicu, un escritor de gran trayeutoria y destacáu creador de lliteratura fantástica destinada a xente mozo.

La espublización trimestral de l'asociación El Ronchel ta dedicada al Día de los Muertos.

Esti coleutivu llanzó a primeros d'años 'Friúz' col oxetivu de tratar, siempre en llingua asturiana, aspeutos culturales de los conceyos de Villaviciosa, Cabranes y Colunga. Pa esti tercer númberu'l conseyu de redaición de la revista quixo dedicar la espublización a un día con tantu raigañu nel país y nesta zona como ye'l Día de los Muertos.