“Anque la lleche asturiano ye lo más sano d’Europa, ensin DOP nun ye posible identificar la so procedencia”, apunta Podemos Asturies tres conocer l’informe del CSIC que la certifica como la menos contaminao del continente. Entiende que ye la única forma de que'l productu d'orixe asturianu pueda llegar al consumidor.
Un 83 por cientu de los nuesos usuarios cree que’l PP ‘va devolver la moneda de Madrid’ apoyando los presupuestos del Executivu de Javier Fernández, presidente de la xestora del PSOE. La falta d’alcuerdos hasta'l momentu cola izquierda n’Asturies conduz al país a una segunda prórroga presupuestaria.
Mediu Ambiente activó na mañana del martes na redolada de la ría d'Avilés el nivel de prealerta que prevé’l Protocolu d'actuación en situaciones meteorolóxiques qu'enzanquen la dispersión de contaminantes na atmósfera. Encamienta a les empreses de la zona a aplicar les midíes previstes nestos casos.
Coincidiendo col 120 aniversariu del nacimientu de Matías Conde.
Espublizada nel 1948 en México, 'Sol en los pomares' ye la obra más renomada del autor xixonés. Con entamu del escritor José Vasconcelos y ilustraciones del artista xixonés Germán Horacio, fíu de Pachín de Melás, axunta poemes populares de calter costumista, humorísticu o sentimental.
Esti martes n'El Parchís con motivu de la celebración del Día Mundial del Veganismu.
El movimientu social antiespecista salió una vegada más a la cai con un puestín informativu y con productos veganos pa promocionar esta forma de vida ética pa colos animales. Asina a lo llargo de tol día les persones que caleyaben pela plaza l'Institutu, conocida popularmente como El Parchís, pudieron conocer más sobre lo qué ye'l veganismu y la esplotación animal contra la que llucha.
Mariano Rajoy xuró esti llunes nel Palacio de la Zarzuela’l so cargu como presidente del Estáu. L’astención socialista’l sábadu nel Congresu, a esceición de quince diputaos que votaron ‘Non’, ente los que nun taben nengún de los dos asturianos, permite al popular encarar la so segunda llexislatura al frente del Gobiernu.
Algamó'l 36,4 por cientu de los votos al sumar 502 en total, 62 más qu'Alejandro Suárez González, segundu con más apoyos.
L'alcalde de Ḷḷena, cargo que dexará proximamente, conviértese asina nel sustitutu de Manuel González Orviz como coordinador xeneral d'Izquierda Xunida (IX) n'Asturies. L'apoyu algamáu en Llangréu (102 por 7 de los sos rivales) y el bon resultáu na asamblea de Xixón, la más numberosa, onde perdió por poca diferencia con Suárez González (14 votos; 92 por 106) , foron claves nel so trunfu.
El Grupu d'Ornitoloxía Mavea entama trés salides en barcu pa ver aves y mamíferos marinos. Nesta seronda les salidas van ser dende'l puertu deportivu d'Avilés, cola intención de visitar el Cañón d'Avilés.
Esta selmana espublizáronse nel BOPA les ordenances d’asturianu de Noreña depués de que’l Conceyu de Noreña algamara’l compromisu de la Delegación del Gobiernu de nun recurriles. Inaciu Iglesias, conceyal de Foro y miembru del equipu de gobiernu, esplica con satisfaición que la situación “solucionóse con sentíu común; falando”.
