La racha negativa del Sporting lleva al Abelardo a apartase de la direición del equipu. El catalán Rubi, con bon cartelu y ensin resultaos destacaos, garra'l bancu.

L'esame va celebrase'l sábadu 28 a les 9.30 hores na sede de la institución n'Uviéu.

La Guardia Civil entamó na mañana d’esti martes un operativu que llevó al rexistru de la sede d’UXT Asturies n'Uviéu y a la detención de seis persones, ente elles la del ex secretariu xeneral Justo Rodríguez Braga, fecha en Xixón. La investigación vien pol supuestu fraude coles subvenciones por formación que recibía'l sindicatu.

El Lealtad-Caudal del domingu va emitise n'asturianu na TPA. Tamién va poder sentise en llingua asturiana na radio pública.

La direición xeneral de RTPA confirma asina'l so compromisu d'emitir de manera periódica partios de futbol en llingua asturiana en TPA y va televisar n'asturianu el derbi de Segunda División B que va tener llugar en Les Caleyes el domingu al meudíu. El campu maliayu acoyía'l pasáu 18 d'avientu un Lealtad-Coruxo que pasaba a la historia por ser el primer eventu futbolísiticu que se sentía n'asturianu nos diez años de vida de la canal.

Asturies va vivir temperatures d’hasta 15 graos baxo cero nes xornaes próximes. Pa esti martes ta previsto qu’una fola de fríu polar aporte al país, con incidencia especial el miércoles y el xueves. La estación d’esquí de Fuentes de Invierno abrió les sos puertes esti llunes con 3,5 quilómetros de pista disponibles.

El mes pasáu cumplíase l’aniversariu de la quema qu’amburó grandes estensiones de terrén n’occidente. Trescurríu poco más d’un añu d’aquel socesu desagradable, la gran mayoría de los usuarios d’Asturies.com que participaron en ‘Conceyu Abiertu’ cree que’l Gobiernu nun ta tomando les midíes necesaria pa evitar episodios similares al vivíu en Bual y El Franco.

Tres aldericar en payares de la so novela 'Mientres cai la nueche' nel Taller de Llectura de Villaviciosa, fai agora lo propio en Nava.

El Serviciu de Normalización Llingüística de la 'Comarca de la Sidra' entama estes iniciatives cola fin de que los llectores pueden conocer de primer mano al autor d'una obra al empar d'aldericar con él sobre la mesma. Nesta ocasión, Pablo Antón Marín Estrada aporta a la Casa la Cultura de Nava pa falar de 'Mientres cai la nueche', novela cola que llevó'l XXX Premiu Xosefa Xovellanos, correspondiente al 2009.

La Vuelta 2017 va decidise n’Asturies. El yá esperáu retornu de L’Angliru a la ronda ciclista va tener llugar na penúltima etapa, mentes que’l dia anterior el pelotón va aportar a Xixón. Un añu más la organización incumple la llegalidá col usu de topónimos castellanos yá derogaos baxo'l preste del Gobiernu y conceyos.

La cantante llangreana va tener como convidaos en Xixón a Víctor Manuel, Nuberu y el Coro Minero de Turón, ente otros.

Marisa Valle Roso, una promesa yá confirmada de la canción asturiana que tien discu nuevu previstu pa marzu, zarra con un conciertu especial la xira 'Suena la mina', na qu'interpreta cantares venceyaos al carbón, en compañía de dellos artistes convidaos. Ente ellos hai nomes tán conocíos como Víctor Manuel y Nuberu, amás del compositor Ramón Prada, el Coro Minero de Turón o la 'cantaora' Antonia Contreras.

El Premiu Nacional de Lliteratura Asturiana, gallardón del calter triañal creáu pola Academia de la Llingua Asturiana (ALLA) cola fin de reconocer toda una trayeutoria lliteraria d’un autor o autora, yá tien primer destinatariu. El xuráu del gallardón decidió concedelu a Xuan Bello tres escoyer ente una llista definitiva de cinco candidatos.