Marisa Valle Roso zarra la xira 'Suena la mina'

|
Marisa Valle Roso zarra la xira 'Suena la mina'

La cantante llangreana va tener como convidaos en Xixón a Víctor Manuel, Nuberu y el Coro Minero de Turón, ente otros.

Marisa Valle Roso, una promesa yá confirmada de la canción asturiana que tien discu nuevu previstu pa marzu, zarra con un conciertu especial la xira 'Suena la mina', na qu'interpreta cantares venceyaos al carbón, en compañía de dellos artistes convidaos. Ente ellos hai nomes tán conocíos como Víctor Manuel y Nuberu, amás del compositor Ramón Prada, el Coro Minero de Turón o la 'cantaora' Antonia Contreras.

El conciertu va celebrase mañana, a les 21 hores, nel Teatru de la Llaboral, dando-y fin asina a una xira na que Valle Roso y la banda que l'acompaña, formada por Emilio Ribera (guitarra), Pablo Carrera (gaita, flauta y percusión) y Sergio Pevida (percusión), trunfó esti branu nel Festival Internacional del Cante de las Minas en La Unión, consideráu como'l más importante dedicáu al flamencu del mundu. El preciu de la entrada ye de 15 euros, nel anfiteatru; y de 19, nel fosu, patiu de butaques y palcos.

Contador Estadistiques