L'Angliru volverá a ser final d'etapa de La Vuelta

L'alcaldesa de Riosa, Ana Isabel Díaz Fernández, y Unipublic confirmen que'l míticu altu tien munches posibilidaes de tornar cuatro años depués.

El 12 de xineru ye cuando va presentase el percorríu definitivu de la ronda ciclista, pero dende la empresa organizadora adelantaron ayeri qu'esite "un 90 por cientu de posibilidaes" de que L'Angliru sía final d'etapa de La Vuelta próxima. Enantes, la primer edil de Riosa anunciaba que la xuba a ún de los altos más duros del ciclismu mundial, con pendientes del 23,5 por cientu, yera una realidá.

La xuba última a L'Angliru fíxose en La Vuelta del añu 2013, edición que llevó l'estauxunidense Chris Horner. Naquella ocasión el ganador de la etapa foi'l francés Kenny Elissonde, que corría nes files del Française des Jeux (FDJ).