Va facer una parada nueva en Xixón dientro'l 'Tour 87-17' pol so trentenu aniversariu.

Dixebra va repetir esta nueche (22 hores, Plaza Mayor) en Xixón, depués de la so actuación nel Conciertu pola Oficialidá, no que va ser el so debú nel Festival Arcu Atlánticu. El grupu avilesín ta de celebración esti añu, al cumplir trenta enriba los escenarios, y los sos munchos siguidores tán disfrutando d'una xira na que nun falten temes clásicos de la banda.

Juan Carlos Moreno Cabrera inauguró con una conferencia sobre’l supremacismu llingüísticu’l VI Festival Arcu Atlánticu. El llingüista afirmó que “les llingües nun muerren; son asesinaes mediante procesos políticos” y apuntó que l'asturianu "tendría que ser oficial".

La banda de gaites uvieína lleva a la Plaza Mayor el so espectáculu 'Synexthesia'.

Declaró como testigu nel xuiciu del 'Casu Gürtel'. Ye la primer vegada qu'un presidente del Estáu tien qu'acudir a un tribunal.

Mariano Rajoy acudió esta mañana a l'Audiencia Nacional pa participar como testigu del xuiciu del 'Casu Gürtel'. En too momentu, el presidente del PP y del Gobiernu estatal escudóse en que desconocía los asuntos económicos del so partíu pa nun aportar datos nuevos al procesu.

La banda de folk abre los conciertos de la Plaza Mayor del VI Festival Arcu Atlánticu.

L’occitanu, l’asturianu y el mirandés, l’eusquera, el bretón y el gallegu van ser el centru d’atención del VI Festival Arcu Atlánticu, que comienza esti martes y va allargase hasta’l domingu baxo’l lema ‘Un mar de llingües’. Juan Carlos Moreno Cabrera pon la charra inaugural, que trata sobre los idiomes como patrimoniu cultural.

Carmen Moriyón, alcaldesa de Xixón, aconceyó esti martes con representantes de la Xunta pola Defensa de la Llingua Asturiana (XDLA) y reconoció que la presentación del ‘Proyectu 2018 pa la Oficialidá’ sí tenía cabida nel Arcu Atlánticu. El Conceyu de Xixón ufre la so disponibilidá pa facelo definitivamente en setiembre.

La Wikipedia n’asturianu superó los 50.000 artículos con ún dedicáu a los ‘Derechos Humanos en materia llingüística' y va celebralo esti sábadu en Bimenes con un Wikialcuentru. Jimmy Wales, fundador de la enciclopedia llibre, fíxose ecu d’esti fechu en Twitter.

Pese a la esistencia de músicos de calidá y grupos con proyeición, el 71 por cientu de los llectores d’Asturies.com que participaron en 'Conceyu Abiertu' nun ve un relevu xeneracional a les bandes veteranes de la nuesa música. La escasez de conciertos y nueches celtes ye una de les razones qu’espliquen esta situación.