El Conseyu de Gobiernu alcordó esti miercoles 2 d'agostu conceder esti añu cuatro Medayes d'Asturies, una na so categoría d'oru al empresariu Plácido Arango y el restu, de plata, a la Unidá Canina de Rescate del Principáu d'Asturies, a Mario García Sánchez, expresidente de Cocemfe, y a la rede de profesionales y centros d'Atención Primaria del Serviciu de Salú del Principáu d'Asturies ( Sespa).

Dos puntos perriba de la media de la TPA.

Na nueche d'ayeri estrenóse'l programa 'Nel cantu la memoria', dedicáu al 'Asturias' de Víctor Manuel, con un ésitu de públicu. Asina, foi'l programa d'entretenimientu más vistu de la canal, al algamar un 7,8 por cientu de cuota de pantalla.

Esti vienres da comienzu’l certame de cultura celta más importante del mundu: el Festival Interceltique de Lorient. Dedicáu esti añu a Alba, Asturies va contar un especial protagonismu cola presencia d’artistes y bandes como Hevia, Dixebra o l'agrupación Xeitu.

“L’asturianu ye un elementu clave pa desarrollar producción propia y serviciu públicu de televisión”, afirma Vicente González Bernaldo de Quirós, representante d’IX nel conseyu d’alministración de RTPA. La coalición sofita’l pidimientu de l’ALLA d’una mayor presencia del idioma, con un informativu dafechu en llingua asturiana.

Iniciativa pol Asturianun va tar presente na LXI Feria Internacional de Muestres d’Asturies (FIDMA) con un stand nel que van tener espaciu seis empreses comprometíes pa col idioma. La cita, qu’atraxo a 714.424 visitantes al recintu ferial Luis Adaro l’añu pasáu, comienza’l sábadu y termina'l día 20.

Cantabria, Galicia y Asturies son los trés territorios onde más baxó’l paru en xunetu. Nel nuesu país el descensu foi del 3,47 por cientu, asitiándose’l total de desemplegaos en 72.843, 2.617 menos qu'en xunu, mentes que la ocupación medró un 1,32 por cientu.

Matrícula aberta hasta el 30 de setembre.

A Fundación Parque Histórico del Navia, en colaboración coa Conseyeiría d’Educación y Cultura, el Academia de la Llingua Asturiana y el Conceyo de Grandas de Salime, amaña pras tardes dos martes y xoves entre el 17 d’outubre y el 30 de novembre, a novena edición del Curso de Lingua e Cultura del Navia-Eo. A sede del mesmo ha ser a Casa da Cultura del Conceyo de Grandas de Salime.

El Muséu del Pueblu d'Asturies va acoyer una Folixa Intercéltica con espicha y grupos folk.

Estos díes ta celebrándose’l XVII Festival Internacional de Bandas de Gaitas Villa de Xixón, que va vivir la so gran xornada’l vienres cola celebración de la gala del certame. El llunes yá se pudo ver a los integrantes de la banda infantil Magüeta, cantera de la Banda de Gaitas Villa de Xixón, y ayeri a la propia agrupación organizadora.

Tapia conviértese per estos díes nun centru de referencia de la cultura celta. Comienza esti miércoles el XXI Festival Intercéltico d’Occidente (FID’O), qu’hasta’l llunes programa delles actividaes, con especial protagonismu pa la música.

El Conseyu de Gobiernu decidió esti miércoles les medayes d’Asturies qu’entrega coincidiendo col 8 de setiembre pa premiar méritos de persones o coleutivos. Nesta ocasión la medaya d’oru va ser pal empresariu mexicanu d’orixe asturianu Plácido Arango.