Asturies, campeona benxamín de fútbol-sala

|
Asturies, campeona benxamín de fútbol-sala

La seleición asturiana derrotó n'Extremadura a la madrilana na final pol resultáu de 4-1.

Cuatro años depués Asturies sumó'l so novenu campeonatu estatal benxamín de fútbol-sala tres ganar na edición d'esti añu, celebrada dende'l vienres en Montijo. El combináu dirixíu por Ramón Emilio 'Monchu' Menéndez superó na primer fase a Aragón (6-1) y Andalucía (9-2), algamando asina'l pase a semifinales, onde s'enfrentó a Galicia (7-1).

La Comunidad de Madrid, que venía tamién de goliar (6-1 a la Región de Murcia), esperaba asina a la seleición asturiana na final programada pal meudía d'ayeri. Nun dio oportunidá Asturies al so rival, llegando al descansu con un 2-0 de ventaya tres los tantos de Koke y Villa, ésti segundu de cabeza.

Villa anotó'l tamién el terceru y, pese a que Domenech daba esperances a los madrilanos col 3-1, Álvaro sentenciaba'l una final de color azul y mariellu que contó con 400 espectadores na grada del Pabellón Municipal El Valle. La seleición asturiana, que tamién llevó'l premiu al xuegu llimpiu, tuvo compuesta por Raúl (Xeitosa-Finstral) y Rubén (Asunción), como porteros, y los xugadores de campu Unai (Marino); Víctor; Yago y Villa (Sporting), Álvaro y Koke (Veriña); Enzo y Marcos (Uviéu); Álex (CD Covadonga); y Asur (Vallobín).

Semeya de la RFEF.

 

Contador Estadistiques